2022 թվականի 1-ին եռամսյակում, համաշխարհային ֆինտեխ ֆինանսավորումը կազմել է 37 միլիարդ դոլար: Դա երբևէ հանգանակված գումարների առումով երրորդ ամենաբարձր եռամսյակն է և ամենաակտիվ եռամսյակը բոլոր ժամանակների գործարքների առումով՝ 1091 գործարք:
Աշխարհում ֆինանսական բոլոր գործարքների 47%-ը կատարվում է Հյուսիսային Ամերիկայում: Վերջինը ստանում է համաշխարհային ֆինանսավորման 51%-ը՝ 10 անգամ ավելի, քան Աֆրիկան, Հարավային Ամերիկան և Մերձավոր Արևելքը միասին վերցրած։
Ֆինտեխ ոլորտում, 2022 թվականի 1-ին եռամսյակում կնքված գործարքների առաջին հնգյակում են՝ ԱՄՆ-ը, Մեծ Բրիտանիան, Հնդկաստանը, Սինգապուրը և Կանադան։ Միայն երեք երկիր՝ ԱՄՆ-ը, Մեծ Բրիտանիան և Հնդկաստանը ստանում են ամբողջ ֆինանսավորման 70%-ը:
Ֆինտեխ վենչուրային կապիտալի շուկայում ամենաակտիվ ներդրողը եղել է Tiger Global-ը, որին հաջորդում են Sequoia-ն և GFC-ն:
Fintech-ի բոլոր գործարքների կեսը բաժին է ընկել երկու հատվածին՝ բանկային կամ վարկային և կրիպտո ու բլոկչեյն նախագծերին:
Ամփոփոփելով, ընթացիկ տարվա առաջին եռամսյակում ֆինտեխ ընկերությունների գործարքների դինամիկան և ֆինանսավորման ծավալը 2021 թվականի համեմատ՝ պահպանվել է:
Ամբողջական զեկույցը կարող եք գտնել այստեղ:
Ֆինտեխ և բիզնես ոլորտի նորությունների ծանոթացե՛ք՝ միանալով մեր Տելեգրամյան ալիքին
