Աշխարհի ամենաբարձր վարձատրվող մարզիկներից մեկը՝ Արգենտինայի ֆուտբոլի հավաքականի ավագ Լիոնել Մեսսին ներդրումային ընկերություն է ստեղծել՝ սպորտի, տեխնոլոգիաների և մեդիայի ոլորտում ներդրումներ կատարելու համար։ Play Time-ը կտեղակայվի Սան Ֆրանցիսկոյում և կգլխավորի Viki-ի գործադիր տնօրեն Ռազմիկ Հովագիմյանը:
Ընկերության ֆինանսավորման չափն առայժմ չի նշվում:
«Ուրախ եմ, որ Play Time-ը կաշխատի համարձակ ձեռներեցների հետ ամբողջ աշխարհից»,- ասել է Լիոնել Մեսսին:
PlayTime-ը ներդրումներ կկատարի սպորտի, լրատվամիջոցների, օրինակ՝ ֆուտբոլային տեխնոլոգիաներ զարգացնող ստարտափների մեջ։ Ընկերությունը կդառնա Լիոնել Մեսսիի հիմնական ներդրումային մեքենան։
Արգենտինայի հավաքականի հարձակվող, իսպանական «Բարսելոնայի», իսկ այժմ ֆրանսիական ՊՍԺ-ի նախկին խաղացող Լիոնել Մեսսին «Ոսկե գնդակի» յոթակի դափնեկիր է, ինչպես նաև աշխարհի ամենաբարձր վարձատրվող մարզիկներից մեկը։ Բաց աղբյուրների համաձայն՝ Մեսիան վերջին 9 տարվա ընթացքում վաստակել է ավելի քան 550 միլիոն դոլար, բացի սպորտային գործունեությունից, Մեսսիի եկամուտը գոյանում է գովազդային պայմանագրերից և համաշխարհային բրենդների հետ գործակցությունից։
Ֆինտեխ և բիզնես ոլորտի նորությունների ծանոթացեք միանալով մեր Տելեգրամյան ալիքին:





