Մինչև 2030 թվականը, Չինաստանը Միացյալ Նահանգներից և դաշնակիցներից կխլի համաշխարհային տեխնոլոգիական առաջատարությունը։ Եզրակացությունը գրված է ԱՄՆ-ի կառավարության հատուկ մրցակցային հետազոտական նախագծի վերլուծական հոդվածում։ Կազմակերպության փորձագետները նշում են, որ առաջիկա տարիներին պետության հզորությունը որոշող տեխնոլոգիաները կլինեն միկրոէլեկտրոնիկան, արհեստական ինտելեկտը և 5G-ն։
Փաստաթղթում նշվում էր կիսահաղորդիչների հարցում ԱՄՆ-ի մեծ կախվածությունը Չինաստանից։ Իրադարձությունների անբարենպաստ զարգացման դեպքում ամերիկյան բանակը կարող է զրկվել մի շարք սարքավորումներից, որի հետևանքով «ազգը ընկղմվի դեպրեսիայի մեջ»։ Փորձագիտական հանրության կարծիքով՝ այսօր Վաշինգտոնը չորս տարով հետ է մնում Պեկինից արհեստական ինտելեկտի ալգորիթմների մշակման հարցում։
Միևնույն ժամանակ, վերլուծաբանները դրա պատասխանատվությունը դրել են տեխնոլոգիական հսկաների և վենչուրային կապիտալիստների վրա: Զեկույցի հեղինակները նշում են, որ ներդրումային հիմնադրամները գիտական նախագծերին մասնակցում են բացառապես փող աշխատելու նպատակով և ջանքեր չեն ներդնում ազգային հզորության զարգացման համար։
Իր հերթին, կառավարությունը նույնպես համապատասխան խթաններ չի տրամադրում արտադրողներին կառավարության նպատակներին հասնելու համար: Զեկույցի հեղինակներն առաջարկում են ԱՄՆ-ին շտապ վերանայել ինովացիոն քաղաքականությունն ու գործելակերպը։ Երկիրը պետք է ապահովի գործակցությունը մասնավոր և պետական հատվածների միջև և աշխուժացնի տեղական արտադրությունը:
Աղբյուր՝ psm7.com
