Ներդրումներ կատարելու համար Christie’s-ը գործարկում է վենչուրային հիմնադրամ

Արվեստի և շքեղության բրիտանական Christie’s աճուրդի տունը բացել է Christie’s Ventures կոչվող վենչուրային հիմնադրամը՝ արվեստի շուկայի հետ կապված նոր տեխնոլոգիական ընկերություններում ներդրումներ կատարելու համար, տեղեկանում ենք Christie’s-ի տարածած հաղորդագրությունից:

Հիմնադրամը կենտրոնանալու է երեք ոլորտների՝ Web3-ի հաջորդ սերնդի ինտերնետի, ֆինանսական թվային արվեստի արտադրանքների և լուծումների վրա, որոնք թույլ են տալիս անխափան գործարքներ կատարել արվեստի օբյեկտների համար:

Christie’s-ը առաջիկա շաբաթներին նախատեսում է առնվազն մի քանի միլիոն դոլար ներդնել մի շարք ստարտափներում։

Առաջին ընկերությունը, որն արդեն ներդրումներ է ստացել Christie’s Ventures-ից, կանադական LayerZero Labs-ն է, որը թվային ակտիվները տարբեր բլոկչեյնների միջոցով փոխանցելու տեխնոլոգիա մշակող ընկերություն է:

CB Insights-ի տվյալներով՝ 2022 թվականի երկրորդ եռամսյակում տեխնոլոգիական ստարտափներում ներդրումները նվազել են 23%-ով՝ առաջին եռամսյակի համեմատ։ Անկումը տեղի է ունեցել ՏՏ ոլորտի ընդհանուր անկման ֆոնին՝ տնտեսական կանխատեսումների անորոշության պատճառով։

Ֆինտեխ և բիզնես ոլորտի նորությունների ծանոթացե՛ք՝ միանալով մեր Տելեգրամյան ալիքին