«Ֆասթ Կրեդիտ Կապիտալ» ՈՒՎԿ-ն գործարկել է ոսկյա զարդերի վաճառքի էլեկտրոնային աճուրդի կայք և դրան զուգահեռ գործունեություն ծավալող աճուրդի կենտրոն, գրում է fastcredit.am-ը: Էլեկտրոնային աճուրդը նպատակ ունի ապահովելու գործընթացի թափանցիկություն և մատչելիություն, նաև ապահովում է ծառայության հասանելիություն հաճախորդների առավել լայն շրջանակի համար:
Աճուրդի էլեկտրոնային տարբերակով անցկացումը մասնակիցների համար ստեղծելու է հեռավար տարբերակով աճուրդներին մասնակցելու հնարավորություն և հարմարավետություն։
Գրանցվելով կայքում, օգտատերերը կկարողանան մասնակցել հայտարարվող աճուրդներին և ձեռք բերել մրցունակ գներով ոսկյա զարդեր։ Աճուրդային գործընթացին չկա մարդկային որևէ միջամտություն:
Ոսկյա իրերը տեսնելու համար աճուրդի մասնակիցները կարող են այցելել ոչ միայն կայք, այլև ք․Երևան, Ալեք Մանուկյան 7/123 հասցեում գտնվող գրասենյակ, որտեղ մասնագետները կպատասխանեն նաև նրանց հետաքրքրող բոլոր հարցերին: Դրանից զատ, մասնագետները կօգնեն մասնակցել աճուրդներին անմիջապես տեղում։
Աճուրդի կենտրոնն աշխատում է ժամը 10։00-17։00՝ բոլոր աշխատանքային օրերին։
Էլեկտրոնային աճուրդի կայք կարող եք մուտք գործել հետևյալ կայքերով՝ fcachurd.am և fcauction.am։ Կայքում գրանցվելու մասին վիդեոուղեցույցը կարող եք գտնել այստեղ:
Ֆինտեխ և բիզնես ոլորտի նորությունների ծանոթացե՛ք՝ միանալով մեր Տելեգրամյան ալիքին
