Մոսկովյան բորսայում սկսվում է հայկական դրամի և ղազախական տենգեի ֆյուչերսների առևտուրը։ Արժութային զույգերով գործարքները հարթակում հասանելի կլինեն այսօրվանից:
«Ռուսական ռուբլի – ղազախական տենգե» և «ռուսական ռուբլի – հայկական դրամ» արժութային զույգերի ֆյուչերսային պայմանագրերի առուվաճառքը կսկսվի այսօր, հաղորդում է Մոսկվայի բորսայի մամուլի ծառայությունը։
Մեկ առևտրային լոտը կկազմի 10 հազար տենգե կամ 10 հազար դրամ։ Նվազագույն գնային քայլի արժեքը 1 ռուբլի է երկու արժութային զույգերի համար:
Ֆիզիկական և իրավաբանական անձինք կկարողանան օգտագործել նոր ներդրումային գործիքներ։ Շուկայի մասնակիցներին հասանելի կլինեն կատարման պայմանագրերը ընթացիկ տարվա հունիս, սեպտեմբեր, դեկտեմբեր և հաջորդ տարվա մարտին:
