Միլիարդատեր Նիկոլայ Ստորոնսկի Revolut-ի Fintech ստարտափը կգործարկի առցանց վճարումների Revolut Pay ծառայությունը։ Ընկերությունը մտադիր է այս կերպ ընդլայնել իր ֆունկցիոնալությունը և առցանց առևտրի ծառայությունների շուկայում ուղղակիորեն մրցակցել այնպիսի հսկաների հետ, ինչպիսին է PayPal-ը։
Նոր ծառայությունն արդեն պայմանագրեր է կնքել առցանց մանրածախ առևտրի, այդ թվում՝ Shopify-ի և Prestashop-ի հետ, և առաջիկա ամիսներին հասանելի կլինի ավիատոմսեր գնելու համար։
Revolut-ի վաճառքի ղեկավար Թիբո Ժենևրիերը գործակալությանը տված հարցազրույցում բացատրել է, որ Revolut Pay-ի ի հայտ գալը վկայում է այն մասին, որ ընկերությունը հասել է «կրիտիկական զանգվածի» և գերազանցել է իր սկզբնական ձևաչափը:
«Մենք ցանկանում ենք լինել Եվրոպայի լավագույն 100 առցանց մանրածախ առևտրի կայքերում»,- շեշտել է նա:
Ֆինտեխ և բիզնես ոլորտի նորությունների ծանոթացեք միանալով մեր Տելեգրամյան ալիքին
