Հայտնի են Seaside Startup Summit-ի` Հնդկաստանում անցկացման օրերը

Հնդկաստանի Վիշակապատնամ քաղաքում փետրվարի 12-18-ը կանցկացվի SSSholidays India Vizag միջոցառումը։ Միջոցառման համակազմակերպիչն Ստարտափ Արմենիա հիմնադրամի հետ այս անգամ Անդրա Պրադեշ նահանգում գործող աշխարհի ամենախոշոր բժշկական սարքավորումներ արտադրող AMTZ կենտրոնն է։

Միջոցառմանը կմասնակցի մոտ 400 ձեռներեց և տարբեր կազմակերպությունների ներկայացուցիչներ ոչ միայն Հայաստանից և Հնդկաստանից, այլև աշխարհի տարբեր երկրներից։

Դեռևս 2020 թվականին Ստարտափ Արմենիա հիմնադրամի մշակված այս նոր ձևաչափը առաջին անգամ հաջողությամբ անցկացվեց անցած տարի դեկտեմբերին Արաբական Միացյալ Էմիրություններում։ Չնայած առաջին SSSholidays-ը մեկ հարկի տակ էր համախմբել հիմնականում հայաստանյան ստարտափ էկոհամակարգի ներկայացուցիչներին, այս անգամ կազմակերպիչները փորձելու են այն հնարավորինս միջազգայնացնել։ Այս պահին մեծ ներգրավվածություն է ակնկալվում հատկապես Հնդկաստանից և Ռուսաստանից։

SSSholidays India Vizag միջոցառմանը մասնակցելու հնարավորություն կունենան ոչ միայն ստարտափ ընկերությունները, այլև ոլորտով հետաքրքրված անհատներ և այլ կազմակերպություններ։ Ստարտափների համար այս պահին ոլորտային հստակ սահմանափակումներ չկան, սակայն համակազմակերպիչները ավելի շատ հետաքրքրված են առողջապահական և ֆինանսական ոլորտի ստարտափներով։ Միջոցառմանը մասնակցելու դիմում հայտերը տեղադրված են Սիսայդ Ստարտափ Սամմիթ ընկերության պաշտոնական կայքէջում։

Որպես միջոցառման անցկացման վայր այս պահին նախանշվում է Radisson Blu Resort Visakhapatnam հյուրանոցը։ Սակայն չի բացառվում, որ մեծ ներգրավվածության դեպքում ներառվեն նաև հարակից ծովափնյա հյուրանոցները։ Օրակարգը բաղկացած է և՛ կրթական և՛ ժամանցային բաժիններից։ Ինչպես նշում են կազմակերպիչները՝ միջոցառման գլխավոր նպատակը նեթվորքինգն է։ Նրանք խոստանում են անել ամեն ինչ մասնակիցների հանգիստը հաճելի և օգտակար դարձնելու համար։

Միջոցառմանը մասնակցող ստարտափները պետք է նախ անցնեն որակավորման փուլը, իսկ արդեն միջոցառման ընթացքում՝ հատուկ մշակված կրթական ծրագիր։ Միջոցառման վերջին օրերին կանցկացվեն ստարտափների մրցույթներ։ Մրցանակային նախնական ֆոնդը կազմելու է շուրջ 35.000$: Բացի գրատային մրցանակներից, մասնակից ստարտափների համար բացվելու են ներդրումների և աքսելերացոին ծրագրերի մեջ ներգրավվելու հնարավորությունններ հայկական և հնդկական ֆոնդերի կողմից։

Բոլորին հայտնի Սիսայդ Ստարտափ Սամմիթ նախագիծը Ստարտափ Արմենիա հիմնադրամի կողմից սկսել է իրականացվել դեռևս 2016թ.-ից։ 2016-2021 թվականներին Հայաստանում և արտերկրում անցկացված 7 սամմիթներին մասնակցել են ավելի քան 1000 ստարտափ ընկերություններ, բանախոսներ, մենթորներ և ներդրողներ ավելի քան 50 երկրից։

Միջոցառման շրջանակներում մինչ օրս իրականացրած ներդրումները գերազանցում են 4 մլն դոլարը։

Բաց մի թողեք Ֆինտեխ և բիզնես ոլորտի նորությունները՝

Telegram-ում

Linkedin-ում

Facebook-ում

Ամենաընթերցվածը

Հարցազրույցներ

Նմանատիպ նյութեր

Visa-ն SWIFT համակարգում StableCoin-ներով վճարումներ է փորձարկել

Visa-ն SWIFT համակարգում stablecoin-ներով վճարումների փորձնական փուլ է անցկացրել,...

JPMorgan-ը Գերմանիայում առցանց բանկ կստեղծի

JPMorgan Chase-ը նախատեսում է կրկնել Մեծ Բրիտանիայում իր թվային...

Մեկնարկել է FastexChain-ի Mainnet-ի գործարկման փուլը

FastexChain-ը ուրախությամբ հայտնում է Mainnet գործարկման փուլի մասին, որի...

Binance-ը վերադառնում է Հարավային Կորեայի կրիպտոարժույթների շուկա GOPAX Exchange Stake-ով

GOPAX-ը հարավկորեական կրիպտոարժույթների փոխանակման 5 բորսաներից մեկն է, որը...