Ռուսական բանկերը նախատեսում են շուկա դուրս բերել NFC չիպով վճարային ստիկերներ, որոնք նախատեսված են փոխարինելու արտասահմանյան անհպում վճարումների ծառայությունները: Հիշեցնենք, որ դրանք անհասանելի են դարձել ռուսների համար Ուկրաինա ներխուժելուց հետո։
Բանկային հաղորդագրությունների համաձայն, վճարման պիտակները նման կլինեն փոքր բանկային քարտերի, որոնք կարող են սոսնձվել հեռախոսին: Համապատասխան ծրագրերի մասին արդեն հայտարարել են մի շարք ռուսական բանկեր, այդ թվում ՝ Սբերբանկը, Tinkoff-ը և Alfa-Bank-ը:
Ինչպես տեղականում ենք ռուսական լրատվամիջոցներից, Սբերբանկը նախատեսում է ծառայության զանգվածային թեստավորումը սկսել փետրվարի սկզբին։ Դրան կմասնակցի 100 հազար մարդ, որից հետո բանկը ծառայությունը հանրությանը հասանելի կդարձնի իր բոլոր հաճախորդներին։
Alfa-Bank-ն արդեն սկսել է առաջին վճարային սթիքերների բաժանումը: Բանկի մամուլի ծառայությունից հաստատել են, որ սա ոչ թե թեստավորում է, այլ հաճախորդների համար ծառայության գործարկում։
Tinkoff-ը հայտարարել է համապատասխան ծառայությունը գործարկելու իր պլանների մասին դեկտեմբերի կեսերին։ Այնուհետև, ինչպես հայտնում է բանկի մամուլի ծառայությունը, վճարային սթիքերները գտնվում էին թեստավորման փուլում։ Նախատեսվում էր, որ ծառայությունը հաճախորդների համար հասանելի կդառնա 2023 թվականի հունվարին։
