Spotify-ն այս շաբաթ զանգվածային կրճատումներ է պլանավորում

Spotify-ը մտադիր է այս շաբաթ կրճատել իր որոշ աշխատակիցների: Այս մասին հայտնում է Bloomberg-ը՝ հղում անելով իրավիճակին ծանոթ իր աղբյուրներին:

Թե քանի աշխատող կազատվի աշխատանքից աղբյուրները չեն բացահայտում։ Ընկերության՝ անցյալ տարվա երրորդ եռամսյակի հաշվետվության համաձայն՝ Spotify-ում աշխատում է մոտ 9,8 հազար մարդ։ Spotify-ի ներկայացուցիչները հրաժարվել են մեկնաբանել առաջիկա կրճատումները:

Աշխարհի խոշորագույն տեխնոլոգիական ընկերությունները ստիպված են դիմել զանգվածային կրճատումների՝ գովազդից եկամուտների նվազման, ինչպես նաև աշխարհում անկայուն տնտեսական իրավիճակի պատճառով։ Կրճատումներ արդեն հայտարարել են այնպիսի ՏՏ հսկաներ, ինչպիսիք են Amazon-ը, Microsoft-ը և Meta-ն: Ամերիկյան Google կորպորացիայի ղեկավար Սունդար Պիչայը հայտնել է, որ իրեն ստիպել են անհապաղ աշխատանքից հեռացնել մոտ 12 հազար աշխատակցի, ինչը կազմում է ընկերության աշխատակիցների ընդհանուր թվի մոտ 6%-ը:

Ավելի վաղ համաշխարհային մամուլը գրել էր, որ Google-ի կրժատված աշխատակիցների շարքում են հայտնվել տարեկան մոտ 1 մլն դոլար աշխատավարձով աշխատակիցներ: Աղբյուրները նշում են, որ կրճատումները վերաբերում են կորպորացիայի գրեթե բոլոր ընկերություններին և ստորաբաժանումներին՝ սկսած Google Cloud-ից և Chrome-ից մինչև Android-ը և որոնողական համակարգի հետ կապված խմբեր:

Ամենաընթերցվածը

Հարցազրույցներ

Նմանատիպ նյութեր

Visa-ն SWIFT համակարգում StableCoin-ներով վճարումներ է փորձարկել

Visa-ն SWIFT համակարգում stablecoin-ներով վճարումների փորձնական փուլ է անցկացրել,...

JPMorgan-ը Գերմանիայում առցանց բանկ կստեղծի

JPMorgan Chase-ը նախատեսում է կրկնել Մեծ Բրիտանիայում իր թվային...

Մեկնարկել է FastexChain-ի Mainnet-ի գործարկման փուլը

FastexChain-ը ուրախությամբ հայտնում է Mainnet գործարկման փուլի մասին, որի...

Binance-ը վերադառնում է Հարավային Կորեայի կրիպտոարժույթների շուկա GOPAX Exchange Stake-ով

GOPAX-ը հարավկորեական կրիպտոարժույթների փոխանակման 5 բորսաներից մեկն է, որը...