Visa-ն SWIFT համակարգում stablecoin-ներով վճարումների փորձնական փուլ է անցկացրել, այս մասին StarkWare Sessions 2023 կոնֆերանսի ժամանակ ասել է ընկերության կրիպտոբաժնի ղեկավար Կուի Շեֆիլդը: Նրա խոսքով, Visa-ն ներդրումներ է կատարում թվային ակտիվների փոխակերպման ոլորտում:
Վճարային ընկերությունն աշխատում է իր համակարգում կրիպտոարժույթները fiat փողի և հակառակը փոխարկելու հնարավորության ներդրման վրա:
SWIFT (Society for Worldwide Interbank Financial Telecommunications) ֆինանսական հաղորդագրությունների փոխանցման միջազգային համակարգ է, որը միավորում է դրամական փոխանցումները և դրանք դարձնում անվտանգ:
Փորձնական վճարումները կատարվել են USDC stablecoin-ներով Ethereum բլոկչեյնի վրա: Ընկերության կրիպտո ստորաբաժանման ղեկավարի խոսքով՝ դա թույլ է տալիս դրամական փոխանցումները շատ ավելի արագ իրականացնել։ Այնուամենայնիվ, SWIFT համակարգում կան մի շարք սահմանափակումներ, ուստի դեռ հնարավոր չէ գումար փոխանցել այնքան հաճախ, որքան մենք կցանկանայինք, ասել է Շեֆիլդը։ SWIFT Visa համակարգից դուրս կրիպտոարժույթներով գործարքներ են իրականացվում արդեն մի քանի տարի։
USDC stablecoin-ով առաջին գործարքը, որտեղ օգտագործվել է Ethereum բլոկչեյնը իրականացվել է Crypto.com հարթակում՝ 2021 թվականի մարտին: Անցյալ տարեվերջին Visa-ն հայտարարեց, որ մշակել է բլոկչեյնով ավտոմատ վճարումների լուծում։
