Քո առաջին ֆինանսական հավելվածը․ Idram Junior-ն իրականություն է

Իդրամ ընկերությունը հայտարարեց իր նոր՝ Idram Junior հավելվածի գործարկման մասին։ Հավելվածի մեկնարկը տրվեց Երևան Պարկում՝ յուրահատուկ և իր բնույթով եզակի միջոցառմամբ, որին ներկա էին բազմաթիվ մինչև 16 տարեկան երեխաներ իրենց ծնողների հետ, հավելվածով հետաքրքրված հայտնի մարդիկ։

Պատահական չէ, որ այս իրադարձությունը համընկնում է Իդրամ ընկերության 15- ամյա հոբելյանի հետ։ Ընկերությունից հայտնում են, որ հաշվի առնելով տարիների փորձը և փաստացի հայկական ազգային վճարային միջոցի կարգավիճակը, ստանձնել են նաև ֆինանսապես գրագետ սերունդ ձևավորելու պատասխանատու գործը։ Ուստի անհամբեր սպասում էին հավելվածի գործարկմանը, որով հետաքրքրված են հազարավոր օգտատերեր և նրանց երեխաները։

Idram Junior հավելվածի հնարավորությունները շարունակաբար կզարգանան՝ ներառելով նոր արդիական գործիքակազմ երիտասարդ սերնդի համար։

 Այս պահին հիմնական գործառույթներն են՝

  • փոխանցումների ստացումը ընտանիքի անդամներից,
  • անհպում QR-վճարումների կատարումը վաճառակետերում,
  • փոխանցումների կատարումը ընտանիքի անդամների Իդրամ   հաշիվներին,
  • հեռախոսահամարի լիցքավորումը։

Idram Junior հավելվածով պատանի օգտատերերը կարող են կատարել անհպում QR-վճարումներ բոլոր այն կետերում, որտեղ առկա է Իդրամով վճարման հնարավորություն, այսինքն հիմա արդեն 14,500-ից ավելի կետերում Հայաստանում և Արցախում։

Իդրամ ընկերության տնօրեն Արսեն Քդենյանի խոսքով հավելվածի հնարավորությունները գնալով ընդլայնվելու են․ «Շուտով մեր պատանի օգտատերերը կսովորեն, թե ինչպես խնայել, ինչպես սահմանել նպատակներ և հասնել դրանց, նրանք նաև կսովորեն բարեգործել, քանի որ պատանի օգտատերերի կողմից կատարված վճարումներից նույնպես Իդրամն ու IDBank-ը 1 դրամ հատկացնելու են «Մի դրամի ուժը» նախաձեռնությանը․ շուտով մենք այն կառանձնացնենք և կունենանք «Մի դրամիկների ուժը» ծրագիրը, որի միջոցները կհատկացվեն հատուկ մանկական ծրագրերի։ Մի խոսքով՝ մենք դեռ շատ ու շատ մտքեր ունենք, որովհետև Idram Junior-ը մեր երեխան է, իսկ երեխաների համար, ինչպես ընդունված է հայերիս մոտ, մենք անում ենք լավագույնը»,- նշել է Արսեն Քդենյանը։

Idram Junior-ն ունի պաշտպանվածության բարձր մակարդակ․ մասնավորապես՝ բացի անվտանգային բոլոր նորմերից, հավելվածն ունի ծնողական վերահսկողության ֆունկցիոնալ՝ գրանցումից մինչև հավելվածի կիրառումը․ ծնողը կարող է հետևել երեխայի ծախսերին գործարքների պատմության միջոցով։

Կարևոր է՝ երեխային, որը օգտվելու է Idram Junior հավելվածից, գումար կկարողանա փոխանցել միայն ծնողը: Իսկ երեխան՝ միայն ծնողին և իր քույր/եղբայրներին (հետագայում փոխանցել և ստանալ գումարներ ընկերներից, որոնց երկկողմանի հաստատում են երեխաների ծնողները)։ Այս սահմանափակումները նույնպես ներդրված են անվտանգության նկատառումներից ելնելով։

Idram Junior հավելվածը կարելի է ներբեռնել AppStore-ից և Google Play-ից՝ ահա այս QR-կոդը սքանավորելով.

Իսկ գրանցման քայլերի հաջորդականությունը կհուշի համակարգը։ Պարզապես անհրաժեշտ է, որ ծնողն ու երեխան միասին լինեն և կատարեն անհրաժեշտ քայլերը։

https://www.facebook.com/idramjunior
https://instagram.com/idramjunior?igshid=YmMyMTA2M2Y=
https://www.idram.am/
https://www.facebook.com/idram.am
https://www.instagram.com/idram.am/

Ամենաընթերցվածը

Հարցազրույցներ

Նմանատիպ նյութեր

Վրաստանի թվային վճարումների շուկան տարեվերջին կգերազանցի $1 միլիարդը

Վրացական ֆինտեխ շուկան պատրաստ է արագ աճի. STATISTA-ի տվյալներով՝ 2023 թվականի...

Apple-ն ամեն տարի $1 միլիարդ կներդնի հոլիվուդյան ֆիլմերում

Ամերիկյան Apple կորպորացիան մտադիր է տարեկան $1 միլիարդ ներդնել կինոթատրոնների համար...

ԱՄԷ ԿԲ-ն գործարկում է թվային դիրհամը

Առաջին փուլում կգործարկվի բլոկչեյն կամուրջ՝ CBDC-ում միջազգային վճարումները փորձարկելու և Հնդկաստանի...

ԱՄՆ-ում կրիպտոարժույթի յուրաքանչյուր 3-րդ օգտատիրոջը թալանել են

ԱՄՆ կրիպտոարժույթների սեփականատերերի մոտավորապես մեկ երրորդն ասել է, որ իրենք դարձել...