Bank of America-ն (BofA) ձեռք կբերի Մեծ Բրիտանիայում գործող MDSec Consulting կիբեռանվտանգության խորհրդատվական ընկերությունը՝ իր ներքին կիբեռանվտանգությունն ուժեղացնելու նպատակով։ Մաքլսֆիլդում գործող ընկերությունն ունի շուրջ 65 կիբեռանվտանգության մասնագետ և տրամադրում է տեղեկատվական անվտանգության վերաբերյալ տեխնիկական խորհրդատվական ծառայություններ։
BofA-ն արդեն զգալի ներկայություն ունի Անգլիայի հյուսիսում․ Չեսթերի մոտակայքում գտնվող կիբեռսպառնալիքների օպերացիոն կենտրոնում աշխատում է BofA-ի ավելի քան 1,400 աշխատակից։
BofA-ի տեղեկատվական անվտանգության գծով գլխավոր տնօրեն Քրիս Ֆադորը նշել է, որ բանկը վաղուց է, ինչ բարձր է գնահատում MDSec-ի մասնագետների փորձն ու կարողությունները և ուրախ է, որ այժմ ընկերության հնարավորությունները հասանելի կլինեն նաև բանկին ու նրա հաճախորդներին։
Գործարքը, որի ֆինանսական պայմանները չեն հրապարակվել, նախատեսվում է փակել չորրորդ եռամսյակում և ենթակա է կարգավորող մարմինների կողմից հաստատման։
Գործարքը կնքվում է բանկերի՝ ԱԲ-ով կազմակերպվող կիբեռսպառնալիքների ենթարկման ռիսկերի աճի ֆոնին։ Տարեսկզբին Anthropic-ի Mythos մոդելը հուշել էր ֆինանսական հաստատություններին և կարգավորող մարմիններին ուժեղացնել իրենց անվտանգային համակարգերը, իսկ վերջերս ընկերությունը հայտնել է, որ իր Claude մոդելները ստացել էին չարտոնված հասանելիություն երեք կազմակերպությունների իրական աշխարհի համակարգերին։
