BBVA-ը գործարկել է բիթքոինով և էթերով առևտրի ու պահման ծառայություն մանրածախ առևտուր կատարող բոլոր չափահաս հաճախորդների համար Իսպանիայում։
Հաճախորդներն այժմ կարող են գնել, վաճառել և պահել կրիպտոարժույթներ BBVA-ի հեռախոսային հավելվածի միջոցով։ Ծառայությունը լիովին ինտեգրված է բանկի մնացած ֆինանսական ծառայություններին և գործում է ԵՄ Markets in Crypto-Assets (MiCA) կանոնակարգին համապատասխան՝ ապահովելով ներդրողների պաշտպանությունը։
Այս քայլով BBVA-ը շարունակում է իր թվային ակտիվների ընդլայնումը՝ Շվեյցարիայից (2021թ.) և Թուրքիայից (2023թ.) հետո նաև Իսպանիայում։ Չնայած բանկը ներդրումային խորհրդատվություն չի տրամադրելու, հաճախորդները կարող են ինքնուրույն ուսումնասիրել կրիպտո ներդրումները BBVA-ի տեխնոլոգիական ենթակառուցվածքով գործող հուսալի համակարգում։
BBVA-ն ունի ավելի քան տասնամյա փորձ բլոկչեյն տեխնոլոգիաների ոլորտում և նպատակ ունի ընդլայնել իր առաջարկները ոչ միայն կրիպտոարժույթների, այլև տոկենիզացված ավանդական ակտիվների ոլորտում, տրամադրելով, օրինակ՝ պարտատոմսերի և ֆոնդերի թվայնացված տարբերակներ։
