Binance-ի կրիպտոարժույթների բորսան գործարկումից ընդամենը մեկ տարի անց դադարեցնում է իր Binance Connect առք ու վաճառքի ծառայությունը, որը նախկինում հայտնի էր որպես Bifinity։
Ծառայությունը կդադարեցվի օգոստոսի 16-ին, քանի որ կրիպտոարժույթի բորսան ցանկանում է կրկին կենտրոնանալ իր հիմնական ապրանքների և երկարաժամկետ նպատակների վրա, հաղորդում է Binance-ը:
«Մենք պարբերաբար վերանայում ենք մեր ապրանքներն ու ծառայությունները՝ համոզվելու համար, որ մեր ռեսուրսները շարունակում են կենտրոնանալ հիմնական ջանքերի վրա, որոնք համահունչ են մեր երկարաժամկետ ռազմավարությանը: Վերջին վեց տարվա ընթացքում Binance-ը փոխանակումից վերածվել է գլոբալ բլոկչեյն էկոհամակարգի՝ բազմաթիվ բիզնես գծերով: Մենք մշտապես հարմարեցնում և փոփոխում ենք մեր բիզնես մոտեցումը՝ ի պատասխան շուկայի և օգտագործողների փոփոխվող կարիքների»,- ասել է ընկերության ներկայացուցիչը:
Binance Connect-ը, որը թույլ էր տալիս վճարումներ ընդունել կրիպտոարժույթներով։ Այն գործարկվել էր 2022 թվականի մարտին և աջակցում էր 50 կրիպտոարժույթի ու վճարման բոլոր հիմնական եղանակներին, ներառյալ Visa-ն և Mastercard-ը:
