Բիթքոինի արժեքը հասել է պատմական առավելագույնին՝ Թրամփի երդմնակալությունից առաջ

Coindesk-ի տվյալներով՝ բիթքոինի գինը գերազանցել է $109 հազարը՝ հասնելով պատմական առավելագույնի։ Դա տեղի է ունեցել ԱՄՆ ընտրված նախագահ Դոնալդ Թրամփի երդմնակալության սպասումների ֆոնին, որը նախատեսված է հունվարի 20-ին։

Վերջին 24 ժամվա ընթացքում բիթքոինի առավելագույն գինը կազմել է $109,13 հազարի։

Հաղորդվում է, որ քաղաքական գործիչը ծրագրում է հրամանագիր հրապարակել, որով կրիպտոարժույթները կհամարվեն ԱՄՆ-ի «ազգային առաջնահերթություն», տեղեկացնում են Bloomberg-ի աղբյուրները։

Բիթքոինի արժեքի վրա կարող էր ազդեցություն ունենալ նաև TRUMP և MELANIA մեմքոինների թողարկումը, որոնք պատկանում են ԱՄՆ ապագա նախագահին և նրա կնոջը՝ Մելանիա Թրամփին։ Ներկայում այս թոքենների արժեքը կազմում է համապատասխանաբար $58 և $11,74։