Royal Bank of Canada կանադական բանկը որոշել է աջակցել ֆինթեք և կիբերանվտանգության ոլորտում ստարտափների նոր ինկուբատոր ծրագրին։
Բանկը նախատեսում է համագործակցել Տորոնտոյի համալսարանի Rogers Cybersecure Catalyst ստարտափների աջակցության ծրագրի հետ:
Ֆինանսական հատվածի անվտանգության ստարտափները, որոնք միանում են այս ծրագրին, հնարավորություն կունենան ցուցադրել իրենց տեխնոլոգիաները ոլորտի փորձագետներին և պոտենցիալ ներդրողներին, հաստատել բիզնես կապեր և աջակցել ոլորտի գնումների պահանջներին:
«Մեր RBC FinSec ինկուբատորը ռազմավարականորեն համահունչ է մեր առաքելությանը` խթանելու նորարարությունն ու անվտանգությունը ավելի լայն ֆինանսական ծառայությունների ոլորտում»,- ասում է Կանադայի թագավորական բանկի ավագ փոխնախագահ և մարքեթինգի գլխավոր տնօրեն Ադամ Էվանսը:
Այս ծրագրին միանալու համար ընկերություններին կամ անհրաժեշտ է ֆինթեք պրոդուկտ, որը պահանջում է ավելի ուժեղ կիբերանվտանգության և ռիսկերի կառավարման պրակտիկա, կամ տեխնոլոգիական պրոդուկտ, որն օգնում է լուծել կիբերանվտանգության լուրջ խնդիրը:
