Citi-ն և HSBC-ն ռազմավարական ներդրումներ են կատարել Adaptive ընկերությունում, որը ֆինանսական հաստատությունների համար ստեղծում է թրեյդինգի անհատականացված հարթակներ։
Գործարքի ֆինանսական պայմանները չեն հրապարակվել։
Adaptive-ը մշակում է ակտիվների տարբեր դասերի համար հատուկ նախագծված թրեյդինգի տեխնոլոգիաներ՝ հնարավորություն տալով ընկերություններին ունենալ թրեյդինգի իրենց սեփական և տարբերվող ենթակառուցվածքը։ Ընկերության խոսքով՝ աշխարհի խոշորագույն բանկերից երկուսի աջակցությունը կօգնի բավարարել թրեյդինգի անհատականացված տեխնոլոգիական լուծումների նկատմամբ աճող պահանջարկը։
Ներդրումը կատարվում է այն ընթացքում, երբ կապիտալի շուկաների տեխնոլոգիաները արագորեն փոխում են իրենց ուղղավծությունը դեպի ամպային ենթակառուցվածքներ, մոդուլային հարթակներ և ԱԲ նորարարություններ։ Adaptive-ը նախատեսում է ներդրումն օգտագործել իր պրոդուկտների ստեղծումն արագացնելու և թրեյդինգի տեխնոլոգիաների ոլորտում իր դիրքերն ամրապնդելու համար։
