Coinbase-ը ձեռք է բերել Echo կրիպտո ներդրումների հարթակը մոտ 375 միլիոն դոլարով, որը վճարվել է կանխիկ դրամի և բաժնետոմսերի միջոցով։
Echo-ի բլոկչեյն հարթակը հնարավորություն է տալիս կրիպտո ընկերությունների հիմնադիրներին ներգրավել կապիտալ ուղիղ իրենց համայնքներից՝ թոկենների փակ կամ Sonar տեխնոլոգիայով իրականացվող բաց վաճառքների միջոցով։
Echo-ի լուծումներն ինտեգրելով, Coinbase-ը նպատակ ունի հեշտացնել և ավելի թափանցիկ դարձնել համայնքային ֆինանսավորումը՝ թույլ տալով նախագծերին և ներդրողներին կապ հաստատել միմյանց հետ ամբողջությամբ բլոկչեյնի ներսում։ Իր գործարկումից ի վեր Echo-ն օգնել է ավելի քան 300 նախագծերի ներգրավել 200 միլիոն դոլար ֆինանսավորում։
Coinbase-ը նշել է, որ Echo-ի հնարավորությունները լրացնում են ընկերության կողմից նախկինում գնված Liquifi հարթակին, որը մասնագիտացած է թոկենների ստեղծման և բաժնեմասերի կառավարման մեջ։ Եթե Liquifi-ը աջակցում է նախագծերին զարգացման վաղ փուլերում, ապա Echo-ն այդ աջակցությունը հասցնում է մինչև դրամահավաքի փուլը։
