Fiat Ventures վենչուրային կապիտալի ընկերությունը վերանվանվել է FGV Capital՝ 35 միլիոն դոլարի երկրորդ ֆոնդի (Fund II) ներգրավումն ավարտելուց հետո։ Նոր ֆոնդը կֆինանսավորի վաղ փուլում գտնվող ստարտափներին, որոնք գործում են ֆինթեքի, ֆինանսական հասանելիության և արհեստական բանականության ոլորտներում։
2018թ.-ին հիմնադրված FGV-ն համագործակցել է ավելի քան 325 ընկերությունների հետ՝ ֆինտեխի, առողջապահական տեխնոլոգիաների և ԱԲ-ի ոլորտներում։ Ներկայում, ընկերության ներդրումային պորտֆելում ավելի քան 40 ընկերություն կա, այդ թվում՝ Splitero-ն, Brellium-ը, Trellis-ը, Sunfish-ը, Possible Finance-ը և Wagmo-ն։
Մարկոս Ֆերնանդեսի, Դրյու Գլովերի, Ալեքս Հարիսի և Ռոհիթ Ռամկումարի ղեկավարած FGV-ն նաև մշակում է ԱԲ հարթակ, որը կօգնի իր պորտֆելում ընդգրկված ընկերություններին հաճախորդների ներգրավման և պահպանման, ռազմավարական ֆինանսների և տաղանդների հավաքագրման հարցերում։
Հիմնադրամի գործարկումը տեղի է ունենում ֆինթեք ընկերությունների՝ ԱԲ-ի կիրառության շարունակական ընդլայնման ֆոնին, թեև որոշ ոլորտներում դրա ընդունումը դեռ սահմանափակ է։ PYMNTS Intelligence-ի տվյալներով՝ ֆինթեք ոլորտի ղեկավարների միայն մոտ մեկ երրորդն է նշել, որ իրենց ընկերություններն առաջարկում են հաճախորդների աջակցության ԱԲ չատեր։
ԱԲ-ի կիրառությունը սահմանափակ է նաև ֆինանսական խորհրդատվության և վճարումների ոլորտներում․ ֆինթեք ընկերությունների միայն 16%-ը և 12%-ն (համապատասխանաբար) են առաջարկում նման ծառայություններ։ FGV-ի նոր ֆոնդը նպատակ ունի օգտվել այս բացից, հաշվի առնելով նաև այն, որ ԱԲ-ն շարունակում է փոխակերպել ֆինանսական ծառայությունների ոլորտը։
