spot_imgspot_img

Հայաստանում կկազմակերպվի «Հայաստանի կապիտալի շուկաները. ապագայի հեռանկարներ» խորագրով առաջին ներդրումային և ֆինանսական համաժողովը

Հայաստանում կկազմակերպվի «Հայաստանի կապիտալի շուկաները. ապագայի հեռանկարներ» խորագրով առաջին ներդրումային և ֆինանսական համաժողովը։ Այն տեղի կունենա հոկտեմբերի 10-ին Dvin Music Hall-ում։

Համաժողովը համատեղ կազմակերպվել է Freedom Broker Armenia-ի և ՀՀ էկոնոմիկայի նախարարության կողմից և նպատակ ունի ստեղծել եզակի փոխգործակցության հարթակ այնպիսի թիրախային խմբերի միջև, ինչպիսիք են պետական մարմինները, բիզնեսի ներկայացուցիչները, լրատվամիջոցները և լայն հանրությունը։

Համաժողովն իր բնույթով մեկօրյա օֆլայն միջոցառում է՝ առցանց մասնակցության հնարավորությամբ։ Ակնկալվում է, որ մասնակիցների թիվը ավելի քան 500 մարդ՝ ներառյալ պետական կառույցների, բիզնեսի, մասնավոր ներդրողների և լրատվամիջոցների ներկայացուցիչներ:

Համաժողովի հիմնական թեման կլինի Հայաստանում ներդրումային միջավայրի և կապիտալի շուկաների զարգացման հեռանկարների քննարկումը։ Միջոցառման շրջանակներում նախատեսվում է անցկացնել լիագումար նիստ, որին կմասնակցեն ՀՀ էկոնոմիկայի նախարարության, Կենտրոնական բանկի, ՀՀ ֆինանսների նախարարության, խոշոր բանկերի, ինչպես նաև տեղական և արտասահմանյան խոշոր բիզնեսների և ներդրումային հիմնադրամների ներկայացուցիչներ։

Համաժողովի շրջանակում նախատեսվում է նաև երեք պանելային քննարկում՝ «Ընկերությունների ներգրավումը կապիտալի շուկա», «Ներքին ներդրողի զարգացում», «Թվայնացումը՝ որպես ֆինանսական ոլորտի զարգացման առանցքային գործոն» խորագրերով։ Այս քննարկումները կմիավորեն ֆինանսների և ներդրումային փորձագետների և պրակտիկ մասնագետների՝ Հայաստանում կապիտալի շուկայի զարգացման կարևորագույն հարցերի վերաբերյալ գիտելիքների, փորձի և կարծիքների փոխանակման նպատակով:

Այս միջոցառումը դրական ազդեցություն կունենա երկրի ֆինանսական ոլորտի զարգացման վրա և կնպաստի Հայաստանում ներդրումային միջավայրի ամրապնդմանը։

Հոլդինգի մասին

Freedom Broker-ը ամերիկյան Freedom Holding Corp ֆինանսական հոլդինգի մի մասն է, որի բաժնետոմսերը վաճառվում են NASDAQ-ում FRHC նշանով: Հոլդինգի կապիտալիզացիան գերազանցում է 4,5 մլրդ ԱՄՆ դոլարը, կառավարվող ակտիվները՝ ավելի քան 5,4 մլրդ ԱՄՆ դոլար։

Freedom Broker-ն ունի ՀՀ կենտրոնական բանկի կողմից տրված լիցենզիաներ` բրոքերային և դեպոզիտար գործունեություն իրականացնելու համար։

Freedom Finance ընկերությունների միջազգային խումբը ԱՊՀ և Կենտրոնական Ասիայի շուկաներում ներդրումային և բրոքերային ծառայությունների շուկայի առաջատարն է՝ միջազգային ֆինանսական շուկաներում ավելի քան 15 տարվա փորձով: Խմբի 119 գրասենյակներն ու մասնաճյուղերը գտնվում են Ասիայի, Եվրոպայի և Ամերիկայի 15 երկրներում։ Խմբի ընկերությունները լիցենզավորված են յուրաքանչյուր երկրում: Խմբի ընկերություններում հաճախորդների հաշիվների ընդհանուր թիվը գերազանցում է 350,000-ը:

spot_img

Նմանատիպ նյութեր

Քո տունը Հայաստանում է․ Ամերիաբանկն առաջարկում է հիփոթեքային վարկեր Սփյուռքի համար

Ամերիաբանկն առաջարկում է հիփոթեքային վարկ Սփյուռքի մեր հայրենակիցների համար։ Հայաստանում անշարժ...

Ծառատունկի արդյունքները՝ Իմ Անտառ Հայաստանի հետ․ Մի Դրամի Ուժը

2022 թվականի մարտ-ապրիլ ամիսներին «Մի դրամի ուժի» կուտակած ողջ գումարը՝ 10․757․867...

ՎԶԵԲ-ը և ԵՄ-ն Արդշինբանկին տրամադրել են վարկի երկրորդ տրանշը ՄՓՄՁ-ների զարգացման համար

2024 թվականի մայիսի 16-ին, Երևանում կայացած ՎԶԵԲ 33-րդ գործնական համաժողովի շրջանակներում...

Հայաստանը՝ տեխնոլոգիական նոր հաբ. Երևանը կրկին կհյուրընկալի WCIT կոնգրեսը

Նորարարության և տեխնոլոգիաների համաշխարհային կոնգրեսը (WCIT) վերադառնում է՝ բացահայտելու Հայաստանը՝ որպես...