Humanity Protocol ստարտափը, որը մասնագիտացած է վերֆիկացիայի և առցանց նույնականացման մեջ՝ նոր ֆինանսավորում է ներգրավել: Այդ միջոցների շնորհիվ ընկերությունը հասել է միաեղջյուրի կարգավիճակի՝ մեկ տարուց պակաս ժամկետում:
Ստարտափը ստեղծում է բլոկչեյնի վրա հիմնված նույնականացման համակարգ, որը ճանաչում է մարդկանց՝ սկանավորելով նրանց ափերը:
Kingsway Capital-ը գլխավորել է ֆինանսավորման փուլը: Այն ներառում էր նաև Animoca Brands-ը, Blockchain.com-ը և Shima Capital-ը՝ որպես ներդրողներ: Հիմնադիր Թերենս Կվոկն ասել է, որ ընկերությունը նաև ներգրավել է մոտ $1,5 միլիոն`ազդեցիկ կրիպտո ընկերություններից:
Անցյալ տարեվերջին հիմնադրված Humanity Protocol-ը նախատեսում է օգտագործել կապիտալը՝ ավելի քան 20 հոգուց բաղկացած իր թիմն ընդլայնելու և նոր գործընկերություններ ստեղծելու համար, քանի որ աճում է հետաքրքրությունը նույնականացման համակարգի նկատմամբ:
Ստարտափը նախատեսում է գործարկել իր թեստային ցանցը երկրորդ եռամսյակում և ներկայումս ունի մոտ 500,000 օգտատիրոջ սպասման ցուցակ, ասել է Կվոկը: Ընկերության հիմնադիրը հավելել է, որ ընկերության առաջնային նպատակն է թողարկել հավելված, որը հեռախոսի տեսախցիկի միջոցով կսկանավորի մարդկանց ափի հետքերը՝ պարզելու նրանց ինքնությունը։
Ընկերությունը նաև նախատեսում է թողարկել դեռևս անանուն կրիպտո թոքեն, որը կարող է օգտագործվել ստուգման վճարներ վճարելու համար:
