Hyundai-ն գործարկում է մեքենայում վճարման ծառայություն

Hyundai Pay-ը հասանելի կլինի 2024 թվականից՝ նոր Hyundai Kona-ում: Վարորդները կկարողանան պահել իրենց քարտի տվյալները և վճարել գնումների համար՝ օգտագործելով կենտրոնական սենսորային էկրանը: Վճարային համակարգի հետ օգտագործման համար հասանելի առաջին ծառայությունը կլինի Parkopedia-ն (թույլ է տալիս պատվիրել և վճարել կայանատեղերի համար ավելի քան 6 հազար վայրերում)։

Ընկերությունից հայտնում են, որ Hyundai Pay-ի և Parkopedia-ի միջև այս գործակցության նպատակն է պարզեցնել կայանատեղիների որոնման, ամրագրման և վճարման գործընթացը:

Hyundai-ի պրոդուկտի պլանավորման և շարժունակության ռազմավարության փոխնախագահ Օլաբիսի Բոյլն ասել է, որ Hyundai Pay-ը կբարձրացնի հաճախորդների փորձը.

«Hyundai Pay-ի լայնածավալ էլեկտրոնային առևտրի պլատֆորմի միջոցով մենք կարող ենք բարելավել հաճախորդների հարմարավետությունը և ընդլայնել նրանց թվային հասանելիությունը»:

Վճարման ծառայությունը կտարածվի Hyundai-ի ինը մոդելի վրա և կներառի էլեկտրական մեքենաներին հատուկ ծառայություններ և գործառույթներ, ինչպես նաև այլ հնարավորություններ, որոնց համար կարելի է վճարել, հայտնում են ընկերությունից: