Ուսումնասիրելով թվային բանկերի աճը, պայքարը և անկումները IBM-ի անալիտիկները կարծում են, որ ավանդական բանկերը դեռևս առավելություն ունեն թվային բանկերի նկատմամբ:
Համաշխարհային բանկային աշխարհն անընդմեջ փոխվում է, իսկ ամենակարևորը փոխվում է բանկի հաճախորդ տեսակը, որը շատ հաճախ ֆինտեխի կողմից անսահմանափակ առաջարկներ է ստանում:
IBM-ը նշում է, որ Չինական ինտերնետ-հսկա Tencent-ը ստեղծեց WeBank-ը՝ հույս ունենալով հավելյալ շահույթ ունենալ օգտատերերի բազայից:
Էլեկտրոնային առաջատարներ Tesco, Rakuten և Walmart-ը նույնպես մտան բանկային սեկտոր:
BankMobile, Number26, Atom, ZenBanx և NuBank. այս անվանումները ֆինանսկան նորություններում հայտնված ընկերությունների շատ փոքր մասն են կազմում: Այս նեոբանկերի ընդհանրությունը կայանում է նրանում, որ իրենց կողմից առաջարկվող ծառայությունների հիմք են հանդիսանում թվային տեխնոլոգիաները:
IBM-ը կարծում է, որ գոյություն ունեցող նոր բանկերը, ըստ թվային տեխնոլոգիաների ճանապարհի զարգացման և բիզնես կազմակերպման ուղիների կարելի է բաժանել 4 մասի.
A. Ավանդական բանկի ձևաչափից դուրս եկած թվային բրենդ. երբ խոսքը գնում է թվայնացման մասին, ապա ոչ բոլոր բանկերն են շահարկում իրենց բրենդը:
B. Ի տարբերություն առաջին խմբի այս տեսակի մաս կազմողները գտնում են, որ ավանդական փորձը պետք է դուրս գա բրենդինգի շրջանակից և շոշափելի դառնա տարբեր մոբայլ ծառայությունների մատուցման ճանապարհով:
C. Կլասսիկ բանկի թվային կետ. սա փորձի և նոր բիզնես գործընթացների սինթեզն է: Այս տեսակին հակված են այն բանկերը, որոնք հասկանում են, որ իրենց գոծող համակարգը և բիզնես առաջարկներն ենթակա չեն արագ փոփոխման:
D. 100%-անոց թվային բանկի տեսակ. իրենց բոլոր ծառայությունները մատուցում են բացառապես թվային տեխնոլոգիաների միջոցով:
