«Ինեկո Գրուպը» $10 մլն ֆինանսավորում է տրամադրել Կենտրոնական Ասիայի Alif ֆինտեխ ընկերությանը՝ մուտք գործելով իսլամական ֆինանսավորման ոլորտ։
Գործարքն իրականացվել է իսլամական ֆինանսավորման Mudarabah մոդելով, որի շրջանակում ներգրավված միջոցները կուղղվեն Ուզբեկստանում Alif-ի գործունեության ընդլայնմանը՝ հիմնականում Alif Nasiya տարաժամկետ ֆինանսավորման ծառայության զարգացմանը։
Ֆինանսավորումն «Ինեկո Գրուպի» միջազգային ընդլայնման ռազմավարության կարևոր քայլերից է՝ ուղղված նոր շուկաներում ներկայության ամրապնդմանն ու ֆինանսավորման նոր ուղղությունների զարգացմանը։
«Այս գործարքը «Ինեկո Գրուպի» միջազգային ներկայությունն ընդլայնելու և ֆինանսավորման նոր ուղղություններ զարգացնելու մեր ռազմավարության մի մասն է։ Նման համագործակցությունները մեզ հնարավորություն են տալիս ձեռք բերել նոր փորձառություն և ընդլայնել մեր ֆինանսական լուծումների շրջանակը», – նշել է «Ինեկո Գրուպի» միջազգային բիզնեսի տնօրեն Դմիտրո Տոլստիկը։
Գործարքը «Ինեկո Գրուպի» համար ևս մեկ կարևոր քայլ է միջազգային շուկաներում ներկայության ամրապնդման և ֆինանսավորման նորարարական գործիքների կիրառման ուղղությամբ՝ միաժամանակ հնարավորություն ստեղծելով ընդլայնելու խմբի փորձառությունն իսլամական ֆինանսավորման ոլորտում։
