Ingenico-ն PIMCO-ի գլխավորած ներդրողների խմբից ստացել է 150 միլիոն եվրո ներդրում, որի նպատակն է վերակազմավորել ընկերության կապիտալի կառուցվածքը և ամրապնդել ֆինանսական դիրքը։
Ընկերությունը նախատեսում է նոր կապիտալն ուղղել պրոդուկտների ստեղծմանը, վճարային գործառնությունների բարելավմանը և հաշվեկշռի ամրապնդմանն ուղղված նախաձեռնություններին։
Ingenico-ի պրոդուկտների պորտֆելն ընդգրկում է Android օպերացիոն համակարգով աշխատող AXIUM վճարային սարքեր, որոնք նախատեսված են մանրածախ առևտրի ոլորտի ընկերությունների, բանկերի և ֆինտեխ ընկերությունների համար։ Սարքերն օգտագործում են միասնական համակարգ ու կառուցվածք և նախատեսված են անվտանգության ու դիմացկունության պահանջներին համապատասխանելու, ինչպես նաև օգտագործման ընթացքում Android-ի նոր տարբերակների թարմացումներն ստանալու համար։
Ընկերությունն առաջարկում է նաև Ingenico 360 ամպային հարթակը, որը մեկ համակարգում միավորում է սարքերի կառավարում, փոխանցումների ծառայություններ, հավելվածներ ու վերլուծություններ։ Հարթակի Developer Journey ծրագիրը գործընկերներին և ծրագրային ապահովման անկախ մատակարարներին տրամադրում է API-ներ, ծրագրավորման գործիքներ և փաստաթղթեր՝ նոր վճարային ծառայություններ ստեղծելու և գործարկելու համար։
Ներդրման մի մասը կուղղվի նաև Ingenico-ի Customer Excellence թիմի ընդլայնմանը։ Ընկերությունը նախատեսում է նոր գրասենյակներ բացել Լոնդոնում, Սան Ֆրանցիսկոյում և Ստամբուլում։ Այս ընդլայնումը հաշիվների կառավարիչներին, լուծումների ինժեներներին և հաճախորդների աջակցության մասնագետներին ավելի կմոտեցնի հաճախորդներին ու գործընկերներին։
