Meta սոցիալական ցանցերի օգտատերերը տեսազանգից օգտվելիս կարող են իրենց նկարները փոխարինել պրոֆիլին կցված ավատարներով:
Meta-ի փոխնախագահ Վիշալ Շահը բացատրական տեսանյութ է հրապարակել, որում ցուցադրվում է համակարգի աշխատանքը: Այն նման է արդեն գործող Memoji-ին, երբ զանգահարում եք Apple FaceTime-ով: Ավատարները կրկնում են օգտագործողների դեմքի արտահայտությունները: Բացի այդ, մարդու ավատարը կարող է փոխարինվել կենդանիների անիմացիոն պիտակներով:
Meta անիմացիոն սթիքերները հնարավոր կլինի օգտագործել Stories և Reels բաժիններում, Facebook-ի մեկնաբանություններում, ինչպես նաև Facebook Messenger-ի և Instagram-ի անձնական չաթերում: Ավատարները կմիավորվեն մեկ ստանդարտով. դրանք կդառնան ավելի իրատեսական:
