Խնայողությունները ֆինանսական կայունության ու ապահովության հիմքն են։ Գումար խնայելու տարբեր ձևեր կան, օրինակ՝ ամեն ամիս աշխատավարձի մի մասը մի կողմ դնելը կամ արտակարգ իրավիճակների համար նախատեսված պահուստային ֆոնդի ստեղծումը. անկախ նրանից, թե Դուք որն եք նախընտրում, գումարի խնայումը պետք է դարձնել սովորություն ապագայում ֆինանսական բարձիկ ունենալու համար։
Սակայն միայն գումար խնայելը միշտ չէ, որ բավարար է, հատկապես, եթե ուզում եք պասիվ եկամուտ ստանալ։ Գնաճը նվազեցնում է դրամի գնողունակությունը, ինչի հետևանքով սովորական խնայողական հաշվին պահվող միջոցները ժամանակի ընթացքում կարող են կորցնել իրենց իրական արժեքը։ Հենց այդ պատճառով էլ ավելի ու ավելի շատ մարդիկ են խնայողություններից անցում կատարում ներդրումների։
Այսօր ներդրումների անցնելու ուղին զգալիորեն հեշտացնում են թվային ներդրումային հավելվածները։
Ավելի հասանելի ներդրումներ
Տարիներ շարունակ ներդրումներն ընկալվում էին որպես ֆինանսական փորձագետների կամ պրոֆեսիոնալ թրեյդերների զբաղմունք։ Ներդրումային հաշիվ բացելու գործընթացը կարող էր պահանջել բազմաթիվ փաստաթղթեր, հանդիպումներ և զգալի մեկնարկային կապիտալ։
Այսօր իրավիճակը փոխվել է։ Թվային ներդրումային հարթակները հնարավորություն են տալիս օգտատերերին անմիջապես իրենց սմարթֆոններից ուսումնասիրել ֆինանսական շուկաները, վերահսկել ներդրումային պորտֆելները և կայացնել ներդրումային որոշումներ։ Պարզ և հարմարավետ ինտերֆեյսերը, ինչպես նաև շուկայի վերաբերյալ իրական ժամանակում հասանելի տեղեկատվությունը ներդրումները դարձնում են ավելի թափանցիկ, հարմար և մատչելի լայն շրջանակի օգտատերերի համար։
Արդյունքում, ավելի շատ մարդիկ են սկսում մտածել ոչ միայն գումար կուտակելու, այլև այն երկարաժամկետ հեռանկարում աճեցնելու մասին։
Ինչո՞ւ ընտրել թվային ներդրումային հավելվածներ
Թվային ներդրումային հավելվածներն առաջարկում են մի շարք առավելություններ.
- Հարմարավետություն. ներդրումների կառավարում ցանկացած վայրից և ցանկացած ժամանակ։
- Ֆինանսական շուկաների տվյալներին իրական ժամանակում հասանելիություն։
- Ներդրումային պորտֆելի հարմար և պարզ վերահսկում մեկ միասնական հարթակից։
- Օգտագործման հեշտ փորձառություն՝ նույնիսկ սկսնակ ներդրողների համար։
- Գործարքների արագ իրականացում՝ առանց ավելորդ բյուրոկրատական գործընթացների։
Թեև ցանկացած ներդրում կապված է որոշակի ռիսկերի հետ, ժամանակին ստացված շուկայական տեղեկատվությունն ու հարմար գործիքները հնարավորություն են տալիս կայացնել ավելի տեղեկացված ֆինանսական որոշումներ։
Երկարաժամկետ ֆինանսական աճ
Հաջող ներդրումը արագ շահույթ ստանալու մասին չէ։ Այն հիմնված է գումարի աստիճանական աճի, կանոնավոր ներդրումների և ռիսկերի խելամիտ կառավարման վրա։ Շատ ներդրողներ սկսում են փոքր գումարներից, աստիճանաբար դիվերսիֆիկացնում են իրենց պորտֆելները և կանոնավոր ներդրումներ են անում՝ կարճաժամկետ շուկայական կանխատեսումների վրա հիմնվելու փոխարեն։
Թվային ներդրումային հավելվածներն այս գործընթացը դարձնում են ավելի պարզ՝ ապահովելով մշտական հասանելիություն ներդրումային պորտֆելին, շուկայի նորություններին և օգտակար տեղեկատվությանը՝ նպաստելով օգտատերերի երկարաժամկետ նպատակների իրագործմանը։
Բացահայտե՛ք EvocaINVEST-ը
Եթե Դուք նույնպես ցանկանում եք սովորական խնայողություններից անցնել ներդրումների, EvocaINVEST թվային հարթակն առաջարկում է արագ, հարմար և պարզ լուծում։
EvocaINVEST-ը հնարավորություն է տալիս ընդամենը մի քանի րոպեում բացել բրոքերային հաշիվ EvocaTOUCH հավելվածի միջոցով և ներդրումներ կատարել ամերիկյան, եվրոպական և ասիական ֆոնդային բորսաներում։
Հավելվածի միջոցով կարելի է ձեռք բերել՝
- բաժնետոմսեր՝ կատարելով ներդրումներ համաշխարհային առաջատար ընկերություններում,
- պարտատոմսեր և եվրապարտատոմսեր՝ ստեղծելով կանխատեսելի և կայուն եկամտի հնարավորություն,
- ETF-ներ՝ ներդրումների դիվերսիֆիկացման համար։
Հարթակն առաջարկում է նաև.
- 24/7 պատվերների տեղադրման հնարավորություն, որի միջոցով կարող եք Ձեր պատվերը տեղադրել ցանկացած ժամի, այն կհերթագրվի և կիրականացվի ավտոմատ կերպով՝ բորսայի բացվելուն պես։
- Մրցակցային և թափանցիկ միջնորդավճարներ. նախքան գործարքի հաստատումը կկարողանաք ծանոթանալ ամբողջական սակագներին։
- Լիմիտային և շուկայական պատվերների հնարավորություն։ Պատվերներն ավտոմատ կերպով կիրառվում են որպես լիմիտային, ինչն էլ ապահովում է գնի ճշգրտությունը։ Իսկ եթե նախընտրում եք ավելի արագորեն կատարել Ձեր պատվերները, կարող եք անցնել շուկայականի։
Ներդրումային շուկայի նորություններին, օգտակար նյութերին և թարմացումներին կարող եք հետևել EvocaINVEST-ի Telegram ալիքում։ Այստեղ կգտնեք պարզ և մատչելի նյութեր ներդրումների մասին, շուկայական հետազոտություններ ու վերլուծություններ, փորձագիտական կարծիքներ միջազգային ներդրումային մասնագետների կողմից և ընդհանուր առմամբ, ամենակարևորը համաշխարհային ներդրումային շուկաների մասին։
Բացի այդ, EvocaINVEST-ի ներդրողները յուրաքանչյուր շաբաթ ստանում են ծանուցումներ էլ․ փոստի միջոցով շուկայի լավագույն արժեթղթերի առաջարկների մասին՝ հիմնական ցուցանիշներ, թարմացումներ և եկամտաբերություն, որոնք օգնում են ավելի արդյունավետ ներդրումային որոշումներ կայացնել։
