Lոնդոնի ֆոնդային բորսան (LSE) նախատեսում է ստեղծել ավանդական առևտրային ֆինանսական ակտիվների բլոկչեյնի հարթակ: Այս մասին հայտնում է Financial Times-ը։
LSE-ի կապիտալի շուկաների ղեկավար Մյուրեյ Ռուսը հայտարարել է, որ «բորսայի բլոկչեյնի հետազոտությունը հասել է այն կետին, երբ նրանք որոշել են առաջ շարժվել իրենց ծրագրերով»:
Նա նաև պարզաբանել է, որ Լոնդոնի ֆոնդային բորսան «ոչինչ չի կառուցի կրիպտոարժույթների շուրջ», այլ կօգտագործի բլոկչեյն տեխնոլոգիան՝ ավանդական ակտիվների պահպանման, գնելու և վաճառելու արդյունավետությունը բարձրացնելու համար։
Մյուրեյ Ռուսն ասում է գաղափարն այն է, որ թվային եղանակով ստեղծվի ավանդական ակտիվների համար ավելի մատչելի և թափանցիկ առևտրային գործընթաց:
Հիշեցնենք, որ ապրիլին Լոնդոնի ֆոնդային բորսան հայտարարեց, որ կառաջարկի բիթքոինի ֆյուչերսներ և օպցիոններ 2023 թվականի չորրորդ եռամսյակում:
