Meta-ի գործադիր տնօրեն Մարկ Ցուկերբերգն անմիջականորեն ներգրավված է արհեստական բանականության տաղանդավոր մասնագետներին ընկերություն ներգրավելու գործում։ Օրինակ, նա փորձում է գայթակղել Google DeepMind թիմի հետազոտողներին՝ նրանց մեյլով նամակներ ուղարկելով: Այս մասին The Information-ին հայտնել են նամակները տեսած երկու աղբյուրներ։
Մեկում Ցուկերբերգը խոսել է այն մասին, թե որքան կարևոր է AI-ն Meta-ի համար և հույս է հայտնել, որ ստացողը կմիանա ընկերությանը:
Ցուկերբերգը փորձում է Meta-ին առաջատար դարձնել AI-ի ասպարեզում. The Verge-ին հունվարին տված հարցազրույցում գործարարը հայտարարել է, որ մինչև 2024 թվականի վերջ իր տրամադրության տակ կունենա Nvidia-ի ավելի քան 340 հազար H100 GPU։ Այս չիպերն անհրաժեշտ են արհեստական բանականության մոդելները ուսուցանելու և տեղակայելու համար:
