Microsoft և Amazon կորպորացիաները $5,6 միլիար են ներդրել Ֆրանսիայում՝ Choose France ամենամյա գագաթնաժողովի շրջանակներում: Microsoft-ի տվյալներով՝ կորպորացիան մինչև 2025 թվականը ներդրումներ կկատարի 25000 առաջադեմ գրաֆիկական պրոցեսորների մշակման մեջ։ Ընկերությունը նաև մինչև 2027 թվականը կֆինանսավորի 1 միլիոն մարդու ուսուցումը և արհեստական բանականության ոլորտում 2500 ստարտափի աջակցությունը:
«Այս խոշոր ներդրումը ցույց է տալիս Ֆրանսիայում թվային նորարարություններին և տնտեսական աճին աջակցելու ամուր նվիրվածությունը»,-ասել է Microsoft-ի նախագահ Բրեդ Սմիթը:
Իսկ Amazon-ը խոստացել է $1,3 միլիարդ ծախսել երկրում իր գործունեությունը զարգացնելու համար: Ընկերությունը մտադիր է ստեղծել ավելի քան 3000 աշխատատեղ Ֆրանսիայում, ինչպես նաև ընդլայնել իր լոգիստիկ ցանցն ու ամպային ենթակառուցվածքը Փարիզում՝ աջակցելու ընդհանուր AI-ի զարգացմանը:
Microsoft-ի և Amazon-ի ներդրումների հետ միասին Ֆրանսիան արտասահմանյան ընկերություններից ներգրավել է $16,17 մլրդ։
Նախագահ Էմանուել Մակրոնի խոսքով՝ ներդրումները ներառում են 56 տարբեր բիզնես նախագծեր և կարող են հանգեցնել 10 հազար աշխատատեղի ստեղծմանը։ Նախկինում Microsoft-ը $1,5 միլիարդ էր ներդրել G42 ընկերությունում, որն Արաբական Միացյալ Էմիրություններում արհեստական բանականություն է մշակում։
