MoonPay-ը ներկայացրել է PayBox վճարային պահոցը և ոչ պահառային կրիպտոդրամապանակը, որը թույլ է տալիս օգտատերերին վճարումներ կատարել անմիջապես ԱԲ չատբոտերի ներսում, օրինակ՝ ChatGPT-ում և Claude-ում։ Օգտատերերը կարող են PayBox-ը միացնել համապատասխան ԱԲ մոդելին և գործարքներ իրականացնել առանց չատից դուրս գալու։
Ծառայությունը հնարավորություն է տալիս ամրագրել ավիատոմսեր, փոխանակել կրիպտոակտիվներ, սթեյքինգ կատարել, անել առցանց գնումներ և օգտվել այլ ծառայություններից։ PayBox-ը համատեղելի է Coinbase-ի x402 պրոտոկոլով գործող հարթակների հետ, իսկ գործարքները նախաձեռնվում և հաստատվում են անմիջապես չատբոտի հետ զրույցի միջոցով։
Օգտատիրոջ հարցման հիման վրա ԱԲ-ն գեներացնում է գործարքը, որը պետք է հաստատվի օգտատիրոջ կողմից։ Գործընթացը կարող է նաև մասամբ ավտոմատացվել՝ նախապես սահմանված ծախսային սահմանաչափերի միջոցով։ Ներկայումս ծառայությունն աշխատում է ChatGPT-ի և Claude-ի հետ, իսկ Gemini-ը և Grok-ը կավելացվեն առաջիկա շաբաթներին։
MoonPay Labs-ի գլխավոր ինժեներ Նիրաջ Պրասադի խոսքով՝ PayBox-ը ԱԲ օգնականներին տալիս է նոր հնարավորություն ընդլայնել իրենց կարողությունները և անել ոչ միայն պարզապես առաջարկություններ կամ տրամադրել ինֆորմացիա, այլև իրականացնել վճարումներ։
MoonPay-ը նշել է, որ անվտանգությունը հարթակի առաջնահերթություններից է։ ԱԲ մոդելները չեն ստանում հասանելիություն դրամապանակների կոդերին, բանկային քարտի տվյալներին կամ օգտատերերի միջոցներին։ Ծառայությունն օգտագործում է բազմակողմ հաշվարկների (MPC) և վստահելի միջավայրերի (TEE) տեխնոլոգիաներ, իսկ Sodot-ի ենթակառուցվածքն ապահովում է միլիարդավոր դոլարների արժողությամբ կրիպտոակտիվների և միլիոնավոր դրամապանակների պաշտպանությունը։
