Motherly-ի գլխավոր տնօրեն Ջիլլ Կոզիոլը խոստովանում է, որ իր համահիմնադիր Լիզ Թենեթիի հետ միասին շատ դժվար ճանապարհ են անցել, երբ առաջին անգամ 2015 թ.-ին փորձեցին ներդրողների ներգրավել:
Նա Motherly-ն նկարագրում է որպես ընկերություն, որը մեկնարկեց` իր կայքում և սոցիալական մեդիայում մայրության թեմա պարունակող բովանդակություն հրապարակելով (podcast ձևով), որն իր հերթին խրախուսեց 30 միլիոն օգտվողների ներգրավվածությունը:
Այժմ, երբ կա մեծ լսարան և մի իրական համայնք, ընկերությունը պատրաստվում է բացել Motherly Store-ը: Եվ հայտարարում է, որ A սերիայի ֆինանսավորմամբ $ 5,4 միլիոն է հավաքել:
Motherly Store-ը կներառի ընկերության ապրանքանիշային ապրանքներ, ինչպես նաև մայրերի համար նախատեսված ապրանքների լայն ընտրություն:
Կոզիոլի պնդմամբ Motherly-ն մինչ օրս հաջողության է հասել, քանի որ այն ուղղված է ավելի կրթված կանանց խմբին, որոնք երեխաների ծնվելուց հետո շարունակում են աշխատել:
