Nebius Group N.V. ամպային ծառայությունների ԱԲ ընկերությունը, որը Nasdaq-ում ցուցակված է NBIS թիքերի ներքո, հրապարակել է 2026թ.-ի երկրորդ եռամսյակի և տարվա առաջին կեսի ֆինանսական արդյունքները մինչև հունիսի 30-ն ընկած ժամանակահատվածի համար։
Արդյունքների հրապարակմանը զուգահեռ ընկերությունը ներկայացրել է նաև հիմնադիր և գլխավոր գործադիր տնօրեն Արկադի Վոլոժի եռամսյակային նամակը բաժնետերերին, որում նա անդրադարձել է ընկերության գործունեությանը, կատարողականությանը և զարգացմանը։ Nebius-ի ղեկավարությունը նախատեսում է նաև անցկացնել ֆինանսական արդյունքների քննարկմանը նվիրված վեբքաստ։ Այս միջոցառման հեռարձակումը հասանելի կլինի ընկերության ներդրողների հետ հարաբերությունների համար նախատեսված կայքում։
Nebius-ը մշակում է ամպային ծառայությունների համապարփակ ԱԲ հարթակ, որի նպատակն է աջակցել ծրագրավորողներին և ընկերություններին ԱԲ-ի ամբողջական գործընթացում՝ տվյալների մշակումից և մոդելների ուսուցումից մինչև դրանց գործարկումը արտադրական միջավայրում։
Nebius Group-ի կազմում են նաև Avride ինքնավար մեքենաների և առաքման ռոբոտների մշակմամբ զբաղվող ընկերությունը և TripleTen տեխնոլոգիական-կրթական հարթակը։ Nebius-ը բաժնեմասեր ունի նաև ClickHouse և Toloka ընկերություններում, իսկ գլխավոր գրասենյակը գտնվում է Ամստերդամում։
