Ֆինանսական տեխնոլոգիական խոշորագույն ընկերություն PayPal-ը գործարկում է սեփական սթեյբլքոինը՝ իր ցանցում վճարումներ կատարելու համար։
Սթեյբլքոինի թողարկմամբ ընկերությունը կամրապնդի իր գերիշխանությունը թվային վճարումների մեջ՝ հիմնվելով տեխնոլոգիայի վրա, որը հնարավորություն է տալիս ակնթարթային և մատչելի փոխանցումներ կատարել առանց կենտրոնացված միջնորդի, ասել է գործադիր տնօրեն Դեն Շուլմանը:
PayPal-ի սթեյբլքոինը ամեն պահի հնարավոր է փոխանակել ԱՄՆ դոլարով, ինչպես նաև ընկերության ցանցում առկա այլ կրիպտոարժույթների հետ: Սեփականատերերը նաև կկարողանան օգտագործել PYUSD-ը՝ առցանց գնումների համար, սակայն, թե որ հարթակներում, դա նշված չէ։
Ժամանակի ընթացքում PYUSD-ը հասանելի կլինի PayPal հավելվածում՝ Venmo-ում և այլ համատեղելի կրիպտո դրամապանակներում, PayPal էկոհամակարգից դուրս:
