Էլեկտրոնային առևտրի Shopify հարթակը ինտեգրել է Solana Pay ծառայությունը։ Այն կայքից օգտվողներին հնարավորություն կտա վճարել գնումների և ծառայությունների համար USDC-ով:
Solana բլոկչեյնի ադմինիստրացիան նշել է, որ գործակցությունը Shopify էկոհամակարգի միլիոնավոր բիզնեսների համար մուտք կբացի դեպի կրիպտո ակտիվների դաշտ:
Solana Foundations-ի խոսնակ Ջոշ Ֆրիդն ասել է, որ այս ինտեգրման համար USDC-ն պատահական չի ընտրվել։
«Առևտրականների մեծամասնությունը, ամենայն հավանականությամբ, ավելի պատրաստակամ կլինի ընդունելու այն ամենը, ինչը կապված է ԱՄՆ դոլարի հետ: Բացի այդ, USDC-ն ավելի կանոնակարգված է, քան, օրինակ, altcoins-ը»:
Shopify պլատֆորմի գործակցությունը Web3 բիզնեսների հետ ունի նաև այլ առավելություններ: Մասնավորապես, կայքի թրեյդերները հնարավորություն են ստացել ստեղծելու իրենց պարգևատրման ծրագրերը NFT-ի միջոցով:
Նախաձեռնությանը միացել են Helius, Mad Lads և MonkeDAO նախագծերը, որոնք ներկայացված են Shopify-ում։
