Bloomberg-ի հաղորդմամբ՝ Standard Chartered-ը պատրաստվում է գործարկել կրիպտոարժույթների փրայմ բրոքերային ծառայություն։
Նախաձեռնությունը կտեղակայվի SC Ventures-ում՝ բանկի նորարարության և վենչուրային բաժնում, այլ ոչ թե հիմնական կարգավորվող բանկային միավորման ներսում, ինչը կարող է օգնել խուսափել Basel III-ի՝ կրիպտոակտիվների համար սահմանված բարձր կապիտալային վճարումներից։
Այս քայլը հաջորդում է SC Ventures-ի ավելի վաղ իրականացրած Project37C նախագծին, որը ներկայացվել էր որպես թվային ակտիվների հարթակ՝ պահառության, թոքենիզացիայի և շուկաների հասանելիության հնարավորություններով։ Թեև այն նախկինում չի բնորոշվել որպես փրայմ բրոքերային ծառայություն, նախագիծը արտացոլում է Standard Chartered-ի մտադրությունը՝ փորձարարական փուլից անցնել կրիպտոյի լիարժեք շուկայական ենթակառուցվածքների։
Բանկի ծրագրերը համընկնում են համաշխարհային խոշոր բանկերի կողմից կրիպտո ոլորտում իրենց ներկայությունն ընդլայնելու միտմանը, հատկապես ԱՄՆ նախագահ Դոնալդ Թրամփի կողմից կրիպտոարժույթների հանդեպ ձևավորած ավելի բարենպաստ միջավայրում։
JPMorgan-ը, Morgan Stanley-ն, BNY Mellon-ը, Barclays-ը և HSBC-ն վերջին շրջանում գործարկել կամ ընդլայնել են կրիպտո թրեյդինգի, պահառության, ETF-ների և թոքենիզացված ավանդների ծառայություններ՝ ընդգծելով ավանդական ֆինանսների լայնամասշտաբ շարժը դեպի թվային ակտիվներ։
