spot_imgspot_img

Նոր, առավել հարմարավետ լուծումներ Telcell Wallet-ում

Թողարկվել է Telcell Wallet-ի beta տարբերակը, որը ֆինանսական բոլոր ծառայությունները միավորում է մեկ հավելվածում: Թարմացված UI/UX-ը նախագծվել է ֆինանսական բազմատեսակ գործիքներից ավելի հեշտ օգտվելու համար:

Թարմացման ու նոր փոփոխությունների հիմքում օգտատերերի հաճախ օգտագործվող ծառայություններն են, որոնք beta տարբերակում ավելի տեսանելի ու հասանելի են։

«Թել-Սել» ՓԲԸ գլխավոր տնօրենի՝ թվային տրանսֆորմացիայի գծով տեղակալ Իրինա Գասպարյանի խոսքով՝ «Telcell Wallet հավելվածը ֆինանսական ծառայությունների ու պրոդուկտների ագրեգատ է, որը մեր օգտատերերին հնարավորություն է տալիս մեկ հավելված օգտագործել բոլոր կարիքների համար՝ բանկային քարտերի ու հաշիվների ստեղծումից մինչև արագ վարկ ստանալու հնարավորություն»։

Շուտով հավելվածում, «Թել-Սելի» և «Հայէկոնոմբանկի» համագործակցության շրջանակներում, օգտատերերը հնարավորություն կունենան անվճար պատվիրել և ստանալ Visa թվային քոբրենդային քարտ: Քարտը տրամադրվելու և սպասարկվելու է անվճար, իսկ Telcell տերմինալներից համալրումն իրականացվելու է առանց սպասարկման վճարի:

Telcell Wallet-ի պահանջված ծառայություններից է արագ վարկավորումը՝ վարկային կազմակերպությունների և/կամ բանկերի հետ համագործակցությամբ։ Շատ շուտով Telcell և Global Credit ընկերությունների համագործակցության շրջանակներում Telcell Wallet հավելվածի օգտատերերը հնարավորություն կունենան ստանալ արագ վարկեր (BNPL – Buy Now, Pay Later) QR վճարումներ կատարելիս:

Global Credit ընկերության տնօրեն Լուիզա Իգրարյանի գնահատմամբ՝ «Մեծ ակնկալիքներ ունենք Telcell ընկերության հետ համագործակցությունից, քանի որ բավական մրցակցային պրոդուկտ ենք մեկնարկում համատեղ ուժերով»։

Telcell Wallet-ը շարունակում է զարգացման ուղին ու շարունակելու է առաջարկել օգտատերերի կյանքը հեշտացնող լուծումներ։

Telcell Wallet-ի թարմացված տարբերակը կարևոր քայլ է հայաստանյան ֆինանսական շուկայում: Հավելվածը կարող եք ձեռք բերել App Store-ից և Google Play-ից:

spot_img

Նմանատիպ նյութեր

Evoca-ն՝ Armenian Auto Show Expo-ի հովանավոր

Հունիսի 21-23-ը մասնակցիր լայնամասշտաբ հայկական ավտոմիջոցառմանը և օգտվիր Evocabank-ի կողմից առաջարկվող...

Revolut-ը $500 մլնի բաժնետոմսեր կվաճառի

Revolut բրիտանական ֆինթեք ընկերությունը վաճառելով բաժնետոմսերը՝ նախատեսում է ընդլայնել սեփական կապիտալիզացիան,...

«Ապառիկը տեղում»-ից դեպի «Ապառիկը քո սմարթֆոնում»

Ինեկոբանկը, շարունակելով նորարարությունների իր ուղին, հաճախորդներին է ներկայացնում ապառիկ գնումների նոր՝...

Formula VC-ն ներդում է կատարել հայկական StarsHunt ստարտափում

Հայկական Formula VC վենչուրային ֆոնդը ներդրում է կատարել StarsHunt ստարտափում։ Այս ներդրումը...