Telegram մեսենջերի ամսական ակտիվ օգտատերերի թիվը գերազանցել է 800 միլիոնը, ասել է ընկերության հիմնադիր Պավել Դուրովը։ Նրա խոսքով՝ Telegram-ը դեռ չի հասել եկամտաբերության։ 2022 թվականին մեսենջերը սկսել է շահութաբեր լինել միայն Telegram Premium-ում վճարովի բաժանորդագրություն ակտիվացնելով և հարթակում գովազդ ավելացնելով։
«Չնայած այն հանգամանքին, որ Telegram-ը դեռ շահութաբեր չէ, բացարձակ թվով այն ավելի մոտ է շահութաբերությանը, քան իր մրցակիցները, ինչպիսիք են Twitter-ը և Snap-ը»,- ասել է Դուրովը։
Telegram-ի հիմնադիրը խոսել է նաև մեսենջերի մշակումը ֆինանսավորելու համար $270 միլիոնի պարտատոմսեր թողարկող ընկերության մասին։ Այդ պարտատոմսերի մոտ մեկ քառորդն արդեն գնել է անձամբ Դուրովը, գրել է նա։
«Ոմանք առաջարկեցին, որ փոխարենը տուն կամ ինքնաթիռ գնեմ։ Բայց ես նախընտրում եմ կենտրոնացած մնալ իմ աշխատանքի վրա»,- ասվում է Դուրովի ուղերձում։
Դուրովը նաև ընդգծել է, որ օրական 2,5 միլիոն նոր օգտատեր է միանում Telegram-ին։
