Առաքման ծառայությամբ զբաղվելու հնարավոր հեռանկարի մասին “Uber”– ը սկսել է բանակցություններ վարել եվրոպական խոշոր սուպերմարկետների ներկայացուցիչների հետ։
Թերևս, այս կերպ ընկերությունը փորձում է պայքարել իր հիմնական մրցակիցների ՝ “Deliveroo”– ի և “Amazon”- ի հետ:
“Uber”- ն այժմ բանակցում է Մեծ Բրիտանիայի սուպերմարկետների խոշորագույն ցանցերից մեկի՝ “Sainsbury’s”-ի հետ։ Վերջինս վաղուց համագործակցում է “Deliveroo”- ի հետ՝ Մեծ Բրիտանիայի չորս քաղաքներում պիցցայի առաքման ծառայություններ իրականացնելով:
“Sainsbury”- ի ներկայացուցիչները նշել են, որ պատրաստ են աշխատել բազմաթիվ ընկերությունների հետ՝ իրենց հաճախորդներին հասանելություն և հարմարավետություն ապահովելու համար:
