Wall Street-ի հինգ խոշոր բանկեր միացել են LTX կորպորատիվ պարտատոմսերի թրեյդինգի ԱԲ հարթակին՝ նպատակ ունենալով բարձրացնել շուկայի լիկվիդայնությունն ու արդյունավետությունը։
Նոր մասնակիցներն են՝ Goldman Sachs-ը, JPMorgan-ը, TD Securities-ը, Morgan Stanley-ն և Bank of America-ն։
Broadridge ընկերության աջակցությամբ ստեղծված LTX-ը նպատակ ունի արդիականացնել կորպորատիվ պարտատոմսերի թրեյդինգը. ոլորտ, որում էլեկտրոնային տեխնոլոգիաների կիրառությունը մինչ այժմ ավելի դանդաղ է ընթացել, քան ֆինանսական այլ շուկաներում։ Հարթակը կենտրոնացած է թրեյդինգի ծախսերի նվազեցման և պարտատոմսային խոշոր գործարքների ավելի արդյունավետ իրագործման վրա։
Նոր դիլերների ավելացումը մեծացնում է հարթակի լիկվիդայնությունը թե՛ ներդրումային, թե՛ բարձր եկամտաբերությամբ պարտատոմսերի շուկաների համար։ Նրանք միանում են LTX-ում արդեն ակտիվ գործող լիկվիդայնության ավելի քան 40 մատակարարներին և 100-ից ավելի ներդրումային ընկերություններին։
LTX-ը նաև ներկայացրել է BondGPT Intelligence գեներատիվ ԱԲ գործիքը, որը տրամադրում է շուկայի վերլուծություններ, թրեյդինգային գաղափարներ և աշխատանքային գործընթացների ավտոմատացում։ Նպատակն է օգնել ներդրողներին ավելի արագ գտնել հնարավորություններ և արդյունավետորեն իրականացնել գործարքներ։
TD Securities-ը նշել է, որ ոգեշնչված է LTX-ի՝ արհեստական բանականությունն ու թրեյդինգի նորարարական լուծումները գնող և վաճառող ընկերությունների համար համադրելու կարողությամբ։ Բանկի կարծիքով՝ այս համագործակցությունը կարող է նպաստել կորպորատիվ պարտատոմսերի շուկայի արդյունավետության բարձրացմանը։
