Տեղեկատվական տեխնոլոգիաների համաշխարհային կոնգրեսը WCIT աշխարհի խոշորագույն և ամենահեղինակավոր ՏՀՏ իրադարձություններից մեկն է: Այստեղ է քննարկվում թվային դարաշրջանի էվոլյուցիան:
2019թ.-ի հոկտեմբերի 6-9-ը Տեղեկատվական տեխնոլոգիաների 23-րդ համաշխարհային կոնգրեսի համար հավաքվելու են աշխարհի բարձրագույն տեխնոլոգիաների և բիզնեսի առաջատարներից ավելի քան 2,500-ը: WCIT 2019 երևանյան համաժողովին սպասվում է ավելի քան երկու հազար մասնակից՝ 70 երկրից։
Իր 40-ամյա պատմության մեջ առաջին անգամ WCIT 2019-ում տեղի կունենա Lightning Rounds quot մի շարք, որը հնարավորություն կտա ձեռներեցներին և նորարարներին ցուցադրել իրենց նորաստեղծ գաղափարներն ու նոր տեխնոլոգիաները ՏՀՏ համաշխարհային լսարանի առջև:
Համաժողովը կօգնի ստեղծել միջազգային գործարար հարաբերություններ, հնարավորություն կտա ձեռք բերել գիտելիք և փորձ՝ բիզնեսի զարգացման համար:
Թողարկվել է WCIT 2019-ի բջջային հավելվածը, որը համաժողովի մասնակիցների տրամադրում է թարմացվող օրակարգը, նիստերի բովանդակությունը, ուղարկում է ծանուցումներ և համաժողովին առնչվող այլ տեղեկություններ։ Հավելվածի միջոցով կարելի է կազմակերպել նաև B2B հանդիպումներ։
