spot_imgspot_img

Երևանում կկայանա երկար սպասված IT Intellectual Cup-ը

Դեկտեմբերի 9-ին Երևանում կանցկացվի IT Intellectual Cup ամենամյա առաջնությունը։ Այն նպատակ ունի ինտելեկտուալ շփման միջավայր ձևավորելու ՏՏ ընկերությունների աշխատակիցների միջև։

Առաջնությունն անցկացվելու է սպորտային «Ի՞նչ, որտե՞ղ, ե՞րբ» խաղի ձևաչափով։ Թիմերը կարող են ունենալ 4-8 մասնակից խաղացող։ Մրցանակակիրները կպարգեւատրվեն գավաթով, մեդալներով և անակնկալ նվերներով։

IT Intellectual Cup-ի ողջ հասույթը փոխանցվելու է «Ազատազէն» ռազմակրթական հասարակական կազմակերպությանը։

Առաջնությունը կազմակերպվում է zealous™ ընկերության ջանքերով, իսկ գլխավոր հովանավորն է Դիջիթեյն ընկերությունը։ Առաջնության գործընկերներն են Գիտակների հայկական ասոցիացիան և staff.am-ը։

zealous™-ը իրականություն է դարձնում աշխարհի առաջատար ընկերությունների ծրագրային ապահովման և ինժեներական գաղափարները` օգտագործելով ժամանակակից տեխնոլոգիական լուծումներ: 2012 թվականին հիմնադրված ընկերությունը կարևորում է համայնքային համաչափ զարգացումը և այժմ ունի մասնաճյուղեր Վանաձորում, Գորիսում, Կապանում և Գյումրիում։ Ընկերությունն ունի ավելի քան 260 թիմակից:

«Դիջիթեյն»–ը ծրագրային ապահովման ընկերություն է, որը ստեղծում է օպտիմալ լուծումներ բիզնեսի համար: Ընկերության նպատակն է ստեղծել նորարարական կազմակերպություն և զարգացնել թիմային աշխատանքի մշակույթը, ոգեշնչել աշխատակիցներին՝ մասը կազմելու իրենց հաջողության պատմությունը կերտելու գործընթացում և աշխատելու՝ դեպի մեր ընդհանուր տեսլականը:

staff.am-ը կարիերայի առաջատար հարթակն է Հայաստանում, որը համագործակցում է ավելի քան 4500 գործատուի հետ և ունի ավելի քան 150.000 գրանցված օգտատեր հարթակում։

Ամենաընթերցվածը

Նմանատիպ նյութեր

Klarna-ն արհեստական ​​բանականությամբ «փոխարինեց» 700 աշխատակցի

Klarna շվեդական ստարտափը, որը թույլ է տալիս առցանց ապրանքներ գնել ապառիկ,...

Financial Times-ը բացում է վենչուրային բաժինը

Financial Times-ը գործարկել է վենչուրային կապիտալի «FT Ventures»-ը: Այն ներդրումներ կանի արագ...

Embat ֆինթեք ստարտափը ներգրավել է €14,7 միլիոն

Embat ֆինանսների կառավարման ստարտափը հավաքել է €14,7 իր զարգացման համար՝ որպես...

Փնտրվում է Միլիոնատեր․ Նոր Խաղարկություն Իդրամից

Գիտենք, որ երկար եք սպասել այս նորությանը։ Իդրամը կրկին մեծ խաղարկություն...