Էստոնական Bolt ընկերությունը, որը ծանր հարված է կրել կորոնավիրուսային ճգնաժամի հետևանքով, Էստոնիայի կառավարությանը խնդրել է քայլեր ձեռնարկել՝ ընկերությունը փրկելու համար:
Կորոնավիրուսային ճգնաժամը նշանակալի հարված է հասցրել Bolt ընկերությանը: Արդյունքում, նախկինում Եվրոպայում ամենաարագ զարգացող երրորդ ընկերությունը ճգնաժամի ընթացքում կորցրել է իր շրջանառության 85%-ը:
Մինչև վերջերս Bolt-ը Էստոնիայի միակ միաեղջյուրն էր՝ ստարտափ, որի արժեքը կազմում էր ավելի քան 1 միլիարդ դոլար: Բայց 2013թ.-ին հիմնադրված ստարտափը երբեք շահույթ չունեցավ, այլ միայն ապավինեց վենչուրային կապիտալի ներդրումներին և Եվրոպական ներդրումային բանկի մեծ վարկին (50 միլիոն եվրո)`ընկերությունը առաջ տանելու համար:
Bolt-ի հիմնադիրները՝ Մարկուսը և Մարտին Վիլիգը, այժմ նամակ են ուղարկել Էստոնիայի կառավարությանը՝ պետությունից խնդրելով 50 միլիոն եվրո վարկ կամ վարկի երաշխիք նույն գումարի համար, որպեսզի ընկերությունը կարողանա պահպանել իր գոյությունը:
