Վերջին մեկուկես տարվա ընթացքում հայկական ստարտափները 26 գործարքի արդյունքում միագումար ներգրավել են ավելի քան 1 միլիարդ դոլար: Տվյալները Dsight վերլուծական հարթակինն են:
Հայաստանն ունի արդեն «միաեղջյուրներ», բիզնես հրեշտակների խոշոր ասոցիացիաներ և տեղական վենչուրային հիմնադրամներ։ Այնուամենայնիվ, պակասում են ներդրողները, ովքեր պատրաստ են ներդրումներ կատարել նախագծերի հետագա փուլերում, ինչպես նաև նրանք, ովքեր պատրաստ են, գումարից բացի, փորձը կիսել ձեռներեցների հետ: Հայկական վենչուրային կապիտալի շուկայի այս և այլ առանձնահատկությունների մասին, Forbes ամսագրի ռուսաստանյան հանդեսի համար գրված սյունակում գրել է Dsight վերլուծական հարթակի հիմնադիր Արսենի Դաբբահը։
«Հայաստանը բաց է նորարարական բիզնեսի համար: Dsight-ի տվյալներով, որոնք մենք հավաքել ենք տեղական վենչուրային կապիտալի շուկայի ուսումնասիրության ընթացքում, երկրում կան միջազգային կորպորացիաների առնվազն 25 գրասենյակներ և մոտ 18 նորարարական կենտրոններ, այդ թվում՝ Microsoft-ը, SAP-ը, Cisco-ն, Siemens-ը եւ այլն։ Միջազգային ճանաչում ունեցող երիտասարդ ընկերությունները, ինչպիսիք են EPAM-ը եւ Nvidia-ն, այստեղ իրենց շատ ազատ են զգում»,-գրում է Դաբբախը։
Ֆրեյզերի ինստիտուտի տնտեսական ազատության համաշխարհային վարկանիշում այս տարի Հայաստանը զբաղեցնում է բավականին պատվավոր 11-րդ տեղը՝ 165-ից: StartupBlink միջազգային հետազոտական կենտրոնը Հայաստանի ստարտափ էկոհամակարգը դասել է 16-րդ տեղում՝ Արեւելյան Եվրոպայի 74 երկրների շարքում: Երեւանը 244-րդն է աշխարհի 1000 ամենազարգացած ստարտափ էկոհամակարգերի ցանկում:
Ֆինտեխ և բիզնես ոլորտի նորությունների ծանոթացե՛ք՝ միանալով մեր Տելեգրամյան ալիքին
