Amazon-ը նոր հնարավորություն է ընձեռում Amazon Pay-ի օգտվողների համար։ Այժմ նրանք կարող են իրենց կոմունալ վճարումները կատարել Alexa սմարթ բարձրախոսի օգնությամբ:
Amazon-ի և Paymentus ֆինտեխ ընկերության համագործակցությունը կհեշտացնի կիրառել նոր հնարավորությունը՝ վճարումների մասին ժամանակին տեղեկություն ստանալով: Օգտագործողները կստանան ծանուցումներ Alexa սմարթ բարձրախոսից այն մասին, թե երբ պետք է վճարեն իրենց հաշիվը, ինչպես նաև կկարողանան իրենց հաշիվների վերաբերյալ տարբեր տեղեկություններ խնդրել ձայնային օգնականից:
Amazon Pay-ն այն կարծիքին է, որ մոտ ապագայում այս ծառայությունը կներառի փոստային կոդերի մոտ 95%-ը: Բացի այդ, Amazon-ի ներկայացուցիչները վստահ են, որ այն կարող է օգտակար լինել կոմունալ վճարումներ ընդունող ընկերությունների համար, քանի որ նրանց հաճախ են դիմում կոմունալ վճարումների վերաբերյալ տեղեկատվություն ստանալու համար:
