TransferWise-ը՝ Լոնդոնում տեղակայված միջազգային դրամական փոխանցումների ծառայությունը, որը վերջերս ներդրողների կողմից գնահատվել է $3,5 միլիարդ դոլար, համագործակցել է Չինաստանի Aliplay-ի հետ միջազգային փոխանցումների համար:
TransferWise-ի այժմ 7 միլիոն օգտագործողներն արդեն կարող են Alipay-ի 1,2 միլիարդ կազմող օգտատերերին ուղարկել չինական յուան 17 տարբեր արժույթներով:
Այս «ակնթարթային» դրամական փոխանցումներով` 20 վայրկյանից կարճ տևողությամբ, ըստ երևույթին, TransferWise-ից օգտվողներին պարզապես անհրաժեշտ է ստացողի անունը և Alipay ID-ն` դրամական փոխանցում իրականացնելու համար: Գումարներն այնուհետև ուղարկվում են բանկային հաշվին, որը կցված է ստացողի Alipay պրոֆիլին:
«Այս համագործակցությունը TransferWise-ի համար խոշոր ընդլայնում է, քանի որ այն ընդգրկում է մարդկանց նոր, լրացուցիչ շուկա, որոնք կառավարում են իրենց գումարները Alipay պլատֆորմի միջոցով», – ասում են ընկերությունում:
Alipay-ը վերջին մի քանի ամիսների ընթացքում երկրորդ համագործակցությունն է TransferWise-ի համար: Նոյեմբերին նրանք համագործակցություն ունեցան GoCardless-ի՝ Լոնդոնի fintech-ի հետ: GoCardless-ը օգտագործվում է աշխարհի ավելի քան 50,000 ձեռնարկությունների կողմից:
