Ողջ աշխարհում նեոբանկերը կենտրոնացել են սպառողների շուկայի ամենատարբեր հատվածների վրա։ Ըստ McKinsey-ի, ամբողջ աշխարհի առնվազն 5000 ստարտափ առաջարկում է նոր և ավանդական ֆինանսական ծառայություններ՝ բջջային ձևաչափով։
Ընդամենը 3 տարի առաջ դրանք 2000-ն էին: Ըստ CB Insights-ի գնահատականների՝ միայն 2019-ի առաջին ինը ամիսների ընթացքում վենչուրային կապիտալիստները 2.9 միլիարդ դոլար են ներդրել նեոբանկերում, իսկ ամբողջ 2018-ին ներդրումները կազմել են 2․3 միլիարդ դոլար։
Այս հեղափոխության հիմքը նոր ենթակառուցվածքն է, որի շնորհիվ այժմ համեմատաբար պարզ և հասանելի է նեոբանկ ստեղծելը։ Իրական բանկի բացումը կարող է մի քանի տարի և միլիոնավոր դոլարներ պահանջել, մինչդեռ բջջային հավելվածները հնարավորություն են տալիս նորաստեղծ ձեռնարկություններին, անմիջապես միանալ ավանդական ֆինանսական հաստատություններին և սկսել մեկնարկային կապիտալը ընդամենը 500 000 ԱՄՆ դոլարով:
