Ռուբեն Վարդանյանը, ում կարողությունը նախորդ տարի Forbes-ը գնահատել էր 1 միլիարդ դոլար, հայտարարել է Ռուսաստանի քաղաքացիությունից հրաժարվելու որոշման մասին։ Գործարարը տեղափոխվում է Արցախ:
Ձեռնարկատեր և ներդրող Ռուբեն Վարդանյանը հայտարարել է, որ որոշել է հրաժարվել Ռուսաստանի քաղաքացիությունից, գրում է Forbes-ը:։ «Ես, գիտակցելով իմ ռիսկերը, որոշում կայացրի հրաժարվել Ռուսաստանի քաղաքացիությունից և որպես Հայաստանի քաղաքացի տեղափոխվել Արցախ։ Այս որոշումն ինձ համար շատ դժվար էր, բայց այնքան ճիշտ»,- ասել է նա։
Նրա խոսքով, վերջին երկու տարվա իրադարձությունները հանգեցրել են նրան, որ շատ մարդիկ Արցախում իրենց լքված են զգում, և մտածում են թե ոչ մեկին պետք չեն:
«Սա անընդունելի է։ Կարծում եմ, որ 2020 թվականի պատերազմից հետո մենք՝ ամբողջ աշխարհի հայերս, պետք է միասին լինենք Արցախի հետ»,- ասել է Վարդանյանը։
Նա հավելել է, որ այս քայլը համարում է միակ միջոցը՝ օրինակով ցույց տալու, թե որքան կարևոր է Արցախն իր համար։
Ֆինտեխ և բիզնես ոլորտի նորությունների ծանոթացե՛ք՝ միանալով մեր Տելեգրամյան ալիքին
