2022 թվականին Ռուսաստանի Դաշնության քաղաքացիները Հայաստան են փոխանցել 3,6 մլրդ դոլար, ինչը չորս անգամ ավելին է, քան մեկ տարի առաջ՝ 865,6 մլն դոլար, տեղեկանում ենք ՀՀ Կենտրոնական բանկից:
Հայաստանից Ռուսաստան փոխանցումների ծավալն աճել է 12,7%-ով։ 2022 թվականի դեկտեմբերին Ռուսաստանից Հայաստան են ուղարկել 422,9 միլիոն դոլար՝ հինգ անգամ ավելի, քան 2021 թվականի նույն ժամանակահատվածում։
Միաժամանակ ՀՀ-ից Ռուսաստանի Դաշնություն է փոխանցվել 60,5 մլն դոլար: 2022-ին այն եղել է մի փոքր ավելի 61,2 մլն դոլար։ Նախորդ տարվա ընթացքում Հայաստանի տնտեսությունը կանխատեսվող 7%-ի փոխարեն արձանագրել է 13% աճ։
ՀՀ վարչապետ Նիկոլ Փաշինյանի խոսքով՝ այդպիսի արդյունքներին նպաստել է նաև ռուսաստանցիների զանգվածային տեղափոխումը երկիր։ 2022 թվականի վերջին Հայաստանի էկոնոմիկայի նախարար Վահան Քերոբյանը կոչ արեց անել հնարավորը, որպեսզի երկրում աշխատող ռուսները հնարավորինս երկար մնան հանրապետությունում։
